Pôa Trần Thanh Mẫn, Kăn xiâm hnê ngăn Kuô̆k hô̆i tối tiah kố, kơxop hlá mơ-éa luât kố cho vâ tơleăng gum mâu tơdroăng ki tro kreăng ‘na troăng hơlâ pêi pro tơdâng tơ’mô ƀă Luât ‘No liăn cheăng, pơhlêh nếo pêi châ tơƀrê mâu tơdroăng pơkâ thế ki kal pêi tơdrêng, klâ xoăng hnoăng rơdêi tung hneăng nếo; malối ‘mâi rơnêu tơdroăng ki tŏng gum tơniăn, krá kâk. Luât Hngêi rak liăn nôkố pơkâ, kong pơlê pôi tá chiâng hrê pakĭng mâu tơdroăng ki xiâm; Luât Hngêi rak liăn nếo ăm phêp tơrŭm xúa liăn ngân kong pơlê vâ pro troăng prôk tung kong pơlê, tung kơpong, malối cho ‘na troăng prôk, ‘na kông nôkố.

Luât Hngêi rak liăn nôkố xoăng nhên tơrêm tơdroăng tơkêa bro ki kal; Luât nếo ‘mâi pơhlêh cho athế pơcháu tâi tâng tiô pơkâ pêi, kong pơlê xing xoăng. Luât Hngêi rak liăn nôkố pêi pro tiô tơdroăng pơkâ chêh pro hlá mơ-éa; Luât nếo kố mơnhên tối ki tơƀrê tung tơdroăng pêi tiô KPI.