VOV.Xơ Đăng - Kơxê hâi lơ 23/3, pôa Nguyễn Hồng Hải, Phŏ Kăn hnê ngăn Vi ƀan kuăn pơlê dêi kong pơlê Lâm Đồng pêi cheăng ƀă mâu tíu pêi cheăng, kơvâ cheăng ƀă Ngế pơkuâ ‘no liăn ‘na ki tơƀrê dêi rơdroăng tơkêa pro kơpong hngêi kơmăi Tân Đức a cheăm Tân Minh, kô xo tơvêh lối 300 ha.

VOV.Xơ Đăng - Klêi kơ’nâi troh a pơlê kong xiâm Moscow, kong têa Rusi, pôa Phạm Minh Chính, Ngế pro xiâm hnê ngăn Chin phuh hiăng ai roh trâm mâ kăn ƀô̆ nhân viên Kơ koan teăng mâ ƀă mơngế Việt Nam a kong têa Rusi.

VOV.Xơ Đăng - Kong pơlê Dak Lak nếo tối tơbleăng klêi kơ’nâi hneăng tâ phĭu pôk Khu kăn xiâm Kuô̆k hô̆i ƀă Hô̆i đong hnê ngăn rêm râ dêi kong pơlê. Krê a râ kong pơlê, hiăng pôk ai 84 ngế kăn. Lối rơtuh ngế kuăn pơlê a Dak Lak pơxiâm mơnhên ngăn hnoăng cheăng pêi dêi mâu kăn tung pêi pro dêi hnoăng cheăng tơná chiâng tơdroăng ki nhên, pơkal athế mâu kăn athế ai mâu tơdroăng ki kơdo mơ-eăm păng ‘nâng.

VOV.Xơ Đăng - A cheăm tơkăng kong Ia Pnôn, Khu pơkuâ Mô đô̆i gâk tơkăng kong, kong pơlê Gia Lai tơkŭm po tơdroăng “Khế Pái Droh rơtăm – Khế Pái tơkăng kong” ƀă hên tơdroăng pêi pro ai pơxúa môi tiah diâp troăng krâ pul on bâ eăng, tơkŭm po tơdroăng ki xah hêi ăm hok tro.

VOV.Xơ Đăng - A bêng Thống Nhất, kong pơlê Gia Lai, Ƀinh đoân 15 (Khu xiâm pơkuâ ngăn lêng) tơkŭm po Leh hâk hnoăng tơdah xo Mê dái Khu lêng khên tơnôu kring vế kuăn pơlê rôh má péa.

VOV.Xơ Đăng - Kơxo lơ 23/3, a Tíu pêi cheăng xiâm Đảng, Rôh hôp má 2, Khu pơkuâ ngăn xiâm Đảng hneăng XIV hiăng po kân krip a Pơlê kong xiâm Hà Nội.

VOV.Xơ Đăng - Tiô rơkong krếo thế dêi pôa Mikhaiil Mishutin, Ngế pro xiâm hnê ngăn Chin phuh kong têa Rusi, kơxê hâi lơ 22/3, pôa Phạm Minh Chính Ngế pro xiâm hnê ngăn tơnêi têa  ƀă mâu kăn xiâm Việt Nam hiăng troh a tơraih tơƀai lâp plâi tơnêi Vnukovo 2, pơlê kong xiâm Moskwa, pơxiâm lăm pôu kong têa Rusi sap hâi lơ 22-25/3.

VOV.Xơ Đăng - Tỉnh ủi Dak Lak nếo tơbleăng pơkâ dêi Khu kăn cheăng Tỉnh ủi ‘na tơdroăng cheăng kăn ƀô̆, rah xo thế pôa Đõ Hữu Huy, Phŏ  hnê ngăn Tỉnh ủi, veăng cheăng tung Khu kăn, khu pơkuâ cheăng ƀă rak pro kăn hnê ngăn Đảng ủi Vi ƀan kuăn pơlê dêi kong pơlê hneăng hơnăm 2025-2030.

VOV.Xơ Đăng - A kong pơlê Lâm Đồng, Khu râ kăn séa ngăn kơxô̆ 31 dêi Khu xiâm kal kí, Khu pơkuâ cheăng Đảng xua pôa Nguyễn Văn Quảng, Kăn pơkuâ Hngêi tơleăng kuăn pơlê râ xiâm pơkuâ djâ khu râ kăn hiăng pêi cheăng ƀă Khu pơkuâ tơdroăng cheăng Đảng kong pơlê Lâm Đồng vâ tơbleăng tơdroăng châ tơƀrê séa ngăn tơdroăng pêi pro mâu pơkâ dêi Đảng.

VOV.Xơ Đăng - Kơxo lơ 22/3, a Hà Nội, Đảng ŭi, Khu xiâm pơkuâ lêng Binh chủng Kŏng ƀinh tơkŭm po leh tơbâ 80 hơnăm Hâi mơjiâng (25/3/1946 – 25/3/2026) ƀă tơdah Mê dái Hồ Chí Minh.