VOV.Xơ Đăng - Xuân a kơxo hâi lơ 11/8 (tiô chôu kong têa ê), tung rôh pôu kăn xiâm hnê ngăn tơnêi têa troh a Australia, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng tơpui tơno ƀă pôa Anthony Albanese, Ngế pro xiâm hnê ngăn kong têa Australia a Hngêi Kuô̆k hô̆i Australia.

VOV.Xơ Đăng - Kơxo lơ 11/8 (tiô chô kong têa vâi) klêi kơ’nâi Leh tơdah râ Tơnêi têa châ tơkŭm po kân krip a Tíu pêi cheăng Kăn xiâm pôu râng tâi tâng hnoăng a pơlê kong xiâm Canberra tiô tơdroăng po kân má môi ăm kăn xiâm râ tơnêi têa, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng ai rôh trâm mâ ƀă jâ Sam Mostyn, Kăn xiâm pôu râng tâi tâng hnoăng kong têa Australia.

VOV.Xơ Đăng - Klêi kơ’nâi mơgêi mâu tơdroăng pêi pro a pơlê kong kân Sydney (Australia), kơmăng 10/8 (chôu tơnêi têa kố), pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn Tơnêi têa rơtế ƀă mâu kăn xiâm Việt Nam hiăng troh a pơlê kong xiâm Canberra, pơtối lăm pôu râ Kăn xiâm Tơnêi têa Australia, tiô rơkong krếo thế dêi jâ Sam Mostyn, Kăn xiâm tung Khu dêi Australia.

VOV.Xơ Đăng - Kơxê lơ 10/8, a Tíu pêi cheăng kăn teăng mâ Lếo a Pơlê kong kân Hồ Chí Minh, Khu kăn xua pôa Trần Lưu Quang, Ngế cheăng tung Khu xiâm kal kí, Kăn pơkuâ ngăn Đảng Pơlê kong kân Hồ Chí Minh pơkuâ djâ khu kăn kố hiăng lăm pôu ngăn ƀă chêh tung kơxop hlá mơ-éa hlâ pôa Xaysomphone Phomvihane, Kăn xiâm hnê ngăn Kuô̆k hô̆i Lếo.

VOV.Xơ Đăng - Tung rôh lăm pôu pêi cheăng kong têa Australia, hâi lơ 10/8, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa veăng ƀă xông tơpui a Hôp tơno khoa hok kŏng ngê̆, pơhlêh nếo tơmiât pêi rơkê, mơ’no liăn cheăng, hnê hriâm hnê mơjiâng tuăn ngôa rơkê ƀă Mơjiâng mơngế pêi cheăng Việt Nam – Australia 2026.

VOV.Xơ Đăng - Kơxo lơ 10/8, Khu kăn Chin phuh tơnêi têa Kŏng hòa xah hô̆i chuh ngiah Việt Nam xua pôa Lê Minh Hưng, Ngế pro xiâm hnê ngăn tơnêi têa pơkuâ djâ khu kăn hiăng troh 'măn hơvĭng reăng, pôu ngăn pôa Saysomphone Phomvihane, Ngế cheăng tung Khu xiâm kal kí, Kăn xiâm hnê ngăn Kuô̆k hô̆i tơnêi têa Kŏng hòa Yân chuh Nhân yân Lếo, a Tíu pêi cheăng Kăn teăng mâ Lếo a Việt Nam.

VOV.Xơ Đăng - Vi ƀan kong pơlê Dak Lak nếo pêi cheăng ƀă khu mơ'no liăn cheăng ƀă mâu khu râ, kơvâ cheăng, séa ngăn tơdroăng pêi pro, tah ki xơpá, mơdêk Tơdroăng tơkêa bro Kơpong hngêi kơmăi Phú Xuân, tâi tâng kơxô̆ liăn vâ chê 2.500 rơtal liăn.

VOV.Xơ Đăng - Tơmâng kuăn pơlê, khu mơdró kâ, tơpui tơno ƀă droh rơtăm, ƀă ki kal tâ cho tơleăng mâu tơdroăng pơkâ dế châ khu kăn pơkuâ kong pơlê Gia Lai mơnhên cho tơdroăng ki kal tung pơkuâ. Sap khế 8 kố, kong pơlê tơbleăng tơdroăng "Kuăn pơlê, khu mơdró kâ kơ-êng - Khu kăn pơkuâ kong pơlê Gia Lai tiâ". Kăn hnê ngăn Vi ƀan kong pơlê Gia Lai mơnhên: khu kăn pơkuâ đi đo tơmâng vâ pêi pro, hlối pro tơ'lêi hlâu vâ kuăn pơlê, khu mơdró kâ ƀă droh rơtăm pêi cheăng mơnhông tơƀrê”

VOV.Xơ Đăng - Đông mô đô̆i gâk tơkăng kong Thanh Hải tơrŭm ƀă Tíu xiâm tơrŭm tí tăng, tŏng xo mơngế hliăng tiâ kơpong III, tơbleăng tơdroăng pơkâ hbrâ mơdât IUU ƀă tơdroăng ki rơkê plĕng tung kring vế, gak ngăn a têa kơxĭ ăm hrĭng ngế pơkuâ plong tuk, ngế vê plong tuk, kuăn pơlê tơnăng ká xi xŏng a bêng Phú Thủy, kong pơlê Lâm Đồng.

VOV.Xơ Đăng Hơnăm mơhriâm 2026-2027, ai 3.100 ngế hok tro a mâu cheăm tíu tơkăng kong a tơnêi ‘lâng dêi kong pơlê Dak Lak, tung mê ai Ia Rvê, Ia Lốp ƀă Buôn Đôn kô pơxiâm mot hriâm, pêi pro dêi hnoăng cheăng a mâu hngêi trung ai tíu kâ koi ối pơtê ki hên râ mơhriâm. Ôh tá xê to tơ’lêi tung mơhriâm pơtâp, ai kế tơmeăm, kơƀăng tăng lĕm krá tâ, mê mâu vâi o ối châ rêh ối tung tơnêi tíu ki hlâu tơniăn vâ châ pơtối mơhriâm, mơnhông ƀă chôa ‘lâng châ rơkê plĕng, chiâng mơngế ki chân tuăn.