Chêh inâi tung Hlá mơ-éa hlâ, pôa Lê Minh Hưng chêh: "Khéa hơ'nêng khât kơ pôa Saysomphone Phomvihane, Ngế cheăng tung Khu xiâm kal kí, Kăn xiâm hnê ngăn Kuô̆k hô̆i kong têa Kŏng hoa Yân chuh Nhân yân Lếo, kăn pơkuâ ki kơhnâ rơkê, ngế pú hmâ, ngế pú tơrŭm krá tơniăn dêi Đảng, Chin phuh ƀă kuăn pơlê Việt Nam. Pôa đi đo mơjo pâ ƀă ai hên hnoăng veăng 'no kơhnâ khât tung tơdroăng 'mâi mơnhông, mơdêk tơrŭm cheăng kân kĭn, tơrŭm cheăng ki má môi, tơrŭm tung tŭm tơdroăng cheăng, tơrŭm krá tơniăn ton xŏn pơla Việt Nam ƀă Lếo.

Tơdroăng ki hlâ dêi pôa Saysomphone Phomvihane ôh tá xê to tơdroăng ki hía kân kĭn ƀă Đảng, Tơnêi têa ƀă kuăn pơlê Lếo nhŏng o, tơdrêng amê xuân cho tơdroăng ki hía kân kĭn dêi Đảng, Tơnêi têa ƀă Kuăn pơlê Việt Nam".