Tơdroăng tơkêa bro rơdâ lối 313 ha, pêi pro 3 hneăng; krê hneăng má 1 rơdâ lối 66 ha, kơxô̆ liăn mơ'no 802 rơtal liăn.

Klêi lối 3 khế pơxiâm pro, kơxô̆ pêi pro nếo châ dâng 13.3% pơkâ pêi; hên tơdroăng pro hrá, hô sơ pêi cheăng, tối tơbleăng ƀă mâu pơkâ 'na mơ'no liăn cheăng, mơjiâng pro, hyôh kong prâi ối tơvâ. Pôa Đỗ Hữu Huy, Kăn hnê ngăn Vi ƀan kong pơlê Dak Lak pơkâ thế khu mơ'no liăn cheăng tơkŭm kơxô̆ liăn, kơjo pro klêi tơmeăm khoăng ki kal, 'mâi mơnhông Khu pơkuâ tơdroăng tơkêa bro ƀă mơnhên tơdroăng pêi pro ƀă tơmeăm ki ai khât.

Kăn hnê ngăn Vi ƀan kong pơlê tối rơdêi: "Thế mơnhên mâu tơdroăng tơkêa bro ki kal, ki iâ gá cho 'na troăng, pro on tơhrik têa, troăng kân tơniăn vâ mâu khu mơ'no liăn cheăng ki má péa nếo vâi mot vâi mung."