VOV.Xơ Đăng - Đông mô đô̆i gâk tơkăng kong Thanh Hải tơrŭm ƀă Tíu xiâm tơrŭm tí tăng, tŏng xo mơngế hliăng tiâ kơpong III, tơbleăng tơdroăng pơkâ hbrâ mơdât IUU ƀă tơdroăng ki rơkê plĕng tung kring vế, gak ngăn a têa kơxĭ ăm hrĭng ngế pơkuâ plong tuk, ngế vê plong tuk, kuăn pơlê tơnăng ká xi xŏng a bêng Phú Thủy, kong pơlê Lâm Đồng.

VOV.Xơ Đăng Hơnăm mơhriâm 2026-2027, ai 3.100 ngế hok tro a mâu cheăm tíu tơkăng kong a tơnêi ‘lâng dêi kong pơlê Dak Lak, tung mê ai Ia Rvê, Ia Lốp ƀă Buôn Đôn kô pơxiâm mot hriâm, pêi pro dêi hnoăng cheăng a mâu hngêi trung ai tíu kâ koi ối pơtê ki hên râ mơhriâm. Ôh tá xê to tơ’lêi tung mơhriâm pơtâp, ai kế tơmeăm, kơƀăng tăng lĕm krá tâ, mê mâu vâi o ối châ rêh ối tung tơnêi tíu ki hlâu tơniăn vâ châ pơtối mơhriâm, mơnhông ƀă chôa ‘lâng châ rơkê plĕng, chiâng mơngế ki chân tuăn.

VOV.Xơ Đăng - Vi ƀan kong pơlê Gia Lai nếo tơkŭm po Rôh hôp tơpui tơno tơdrêng pơla Kăn hnê ngăn Vi ƀan kong pơlê ƀă đoân viên, droh rơtăm hơnăm 2026.

VOV.Xơ Đăng - Tiô rơkong krếo thế dêi Ngế pôu râng tâi tâng hnoăng kong têa Australia ƀă jâ Cindy Kiro, Ngế pôu râng tâi tâng hnoăng kong têa New Zealand, sap hâi lơ 9 troh lơ 14/8/2026, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa rơtế ƀă Khu kăn xiâm Việt Nam lăm pôu râ Tơnêi têa troh Australia ƀă New Zealand.

VOV.Xơ Đăng - Tung pơla mơdâm kiâ, mâu kơ koan, tíu pêi cheăng tung lâp tơnêi têa ƀă kơ koan teăng mâ Việt Nam a kong têa ê tâp hlá cơ kơ’rop, kât a ko prế rơbông ƀă pơtê tâi tâng tơdroăng xah hêi, ôm ro pơlê pơla.

VOV.Xơ Đăng - Kơxê lơ 9/8, a pơlê kong xiâm Vientiane, Khu râ kăn xiâm Đảng ƀă Tơnêi têa Việt Nam xua pôa Trần Thanh Mẫn, Kăn xiâm hnê ngăn Kuô̆k hô̆i pơkuâ djâ hiăng troh lăm pôu ngăn pôa Saysomphone Phomvihane, Ngế cheăng tung Khu xiâm kal kí, Kăn xiâm hnê ngăn Kuô̆k hô̆i Lếo.

VOV.Xơ Đăng - Klêi kơ’nâi chât hơnăm pơkâ pêi pro tơdroăng tơkêa bro, mâu kơlêa nhôm ki appoăng dêi Việt Nam hiăng châ mơjiâng a Hngêi kơmăi Nhân Cơ, kong pơlê Lâm Đồng. Ing rơƀu bauxite tung kơdâm tơnêi, chiâng alumin, ƀă troh nôkố hiăng chiâng nhôm; cho roh ki pêi mơjiâng dế vâ kêi, ing mê, mơhno hiâm mơno ki púi vâ ‘na cheăng pê, tơ’mot khu mơdró kâ mơ’no liăn ƀă mâu kơvâ cheăng kơmăi kơmok ki nếo a Tây Nguyên.

VOV.Xơ Đăng - Chin phuh nếo tơbleăng Hlá mơ-éa chêh troăng hơlâ luât pơkâ kơxô̆ 36/2026/NQ-CP, ‘mâi hơ’lêh, bro tơ’nôm hên tơdroăng mơ’no thế pêi pro dêi Hlá mơ-éa chêh troăng hơlâ luât pơkâ kơxô̆ 38/2026/NĐ-CP ‘na mah kơxô̆ kơpong pêt ƀă tíu pêi cheăng kơxuô tâ tung kơthung mâu kế tơmeăm pêi mơjiâng. Ƀă hên tíu ki nếo mê cho pro hlâu hlá mơ-éa, xing xoăng râ cheăng rơdêi, pơ‘lêh ing ăm phêp  mơnhên  ăm khu mơdró vâ pêi cheăng ƀă kơdoh hâi khế pro hồ sơ, hlá mơ-éa ‘na luât pơkâ, ing mê, châ khu mơdró, khu pêi cheăng tơrŭm ƀă mơngế pêt sầu riêng a Dak Lak tơngah kô tah mâu tíu ki pá puât, pro mơdon tung hên khế hơnăm hdrối mê hía nah, pro xiâm vâ mơnhông tơƀrê hôm ki tê tơmeăm ăm kong têa ê.

VOV.Xơ Đăng -  Pêi pro tơdroăng pơkâ kơxô̆ 57 dêi Khu xiâm ngăn cheăng kal kí, kong pơlê Lâm Đồng dế mơdêk xúa khoa hok, kong ngê̆, pơhlêh nếo tơmiât pêi rơkê ƀă pơhlêh xúa internet tung mơjiâng pro. Sap ing pơhlêh tê mơdró troh hriăn ngăn mâu tơdroăng ki kơnía, kong pơlê tơmiât troh pro tơdroăng ki ai hlâu chiâng kế tơmeăm, ki rơkê plĕng ƀă ivá tơxup tơbriât, pro ivá nếo ăm thăm mơnhông cheăng kâ.

VOV.Xơ Đăng -  Hâi lơ 6/8, Hô̆i đong kong pơlê Gia Lai tơkŭm po rôh trâm mâ mơngế ki tâ phĭu, kuăn pơlê a bêng Quy Nhơn, tíu châ kong pơlê pơkâ pêi mơjiâng chiâng bêng ôm hyô tơniăn, lĕm ro.