A rôh lăm pôu, pôa Trần Thanh Mẫn, Kăn xiâm hnê ngăn Kuô̆k hô̆i rơtế ƀă khu râ kăn hiăng pleăng reăng, mơdoh môi phut tơbâ troh ngế pú hmâ dêi Đảng, Tơnêi têa ƀă kuăn pơlê Việt Nam. Teăng mâ khu râ kăn pơkuâ Việt Nam, Kăn xiâm hnê ngăn Kuô̆k hô̆i pơtroh rơkong hơlêm kân má môi troh Đảng, Tơnêi têa, Kuô̆k hô̆i, kuăn pơlê Lếo rơtế ƀă rơpŏng hngêi pôa Saysomphone Phomvihane, Kăn xiâm hnê ngăn Kuô̆k hô̆i.

Klăng roh kố, pôa Trần Thanh Mẫn, Kăn xiâm hnê ngăn Kuô̆k hô̆i hiăng ai rôh trâm mâ tơpui tơno ƀă pôa Thongloun Sisoulith, Kăn xiâm pơkuâ hnê ngăn Đảng, Kăn xiâm hnê ngăn kong têa Lếo. Péa pâ tối nhên, tung mâu tơdroăng ki lâi, péa Đảng, péa Tơnêi têa ƀă kuăn pơlê péa tơnêi têa xuân kô pơtối rak vế, mơdêk tơrŭm cheăng nhŏng o kân kĭn, tơrŭm môi tuăn ki má môi pơla Việt Nam - Lếo ƀă pơtối hnê ăm mâu rơxông kơ'nâi.