VOV.Xơ Đăng - Klêi kơ’nâi tơmot khu pơkuâ ngăn cheăm, pơlê, mê cheăm kơpong tíu pro kăch măng nah-cho cheăm Ea MDroh, kong pơlê Dak Lak ai vâ chê 900 rơpŏng kơtiê ƀă vâ chê kơtiê. Ôh tá tơkôm tơngah to troăng hơlâ tơveăng gum dêi tơnêi têa lơ ai mâu roh ki tŏng veăng gum tơdrêng, mê cheăm hiăng pơkâ pêi pro xêh túa cheăng “Rêm khu pơkuâ hnê ngăn Đảng pơrá rơtế ƀă kuăn pơlê cheăng kâ vâ hluăn kơtiê” djâ mâu kăn ƀô̆, đảng viên troh ƀă kuăn pơlê hên tâ, rơtế ƀă kuăn pơlê lêi tah lôi mâu tơdroăng ki xahpá, tơvâ tơvân, kơdroh kơtiê krá tơniăn ton a la ngiâ.

VOV.Xơ Đăng - Hoà Thịnh châ hên ngế ‘nâi troh cho kơpong “hmâ tro têa rơlêa” dêi kong pơlê Dak Lak, laga, tung pơla ai hên kroăng-têa-kong ngo dêi Hoà Thịnh, thăm nếo ai ta kong loăng ki têa lân tơdế plông loăng, ga xuân ai tíu ki lĕm tơdrŏm phá krê xêh, xua kố ai gok gâ kế tơmeăm ki pơro mơnâ mâ ngăn. Kố châ ngăn cho kế tơmeăm ki kơnía khât, cheăm dế rah hdró kơpong kố vâ mơnhông chiâng cheăng ôm hyô ki lĕm mơnâ mâ.

VOV.Xơ Đăng - Troh nôkố, 34/34 to kong pơlê, pơlê kong kân ối tung Tơnêi têa hiăng pêi pro klêi tơdroăng ki ‘mot tơkŭm thôn, tôh kơphô̆ tro tiô pơkâ thế dêi Khu xiâm cheăng kal kí ƀă Chin phuh.

VOV.Xơ Đăng - Kơxê hâi lơ 3/8 a tíu pêi cheăng Chin phuh, ing hnoăng pơkuâ dêi pôa Lê Minh Hưng, Ngế pro xiâm hnê ngăn Chin phuh tơkŭm po Hôp tiah hmâ khế 7 vâ tối tâi tâng tơdroăng cheăng kâ - pơlê pơla 7 khế apoăng hơnăm, hlối tơpui ‘na mâu troăng hơlâ ki kal ăm mâu khế mơ‘nui hơnăm.

VOV.Xơ Đăng - A Đà Lạt, Vi ƀan hnê ngăn kong pơlê Lâm Đồng tơkŭm po Rôh hôp khoa hok tơrŭm Tơnêi têa – Hngêi trung – Khu mơdró kâ tung mơnhông xúa khoa hok, kong ngê̆ ƀă pơhlêh nếo tơmiât pêi rơkê.

VOV.Xơ Đăng - Rêm luât châ Kuô̆k hô̆i tơbleăng xuân tơdjâk tơdrêng troh tơdroăng rêh ối dêi kuăn pơlê ƀă mơnhông tơnêi têa. Xua mê, vâ mâu pơkâ dêi Luât châ xúa khât tung rêh ối, tơdroăng mơjiâng luât kal thế veăng ai, hnoăng veăng ‘no dêi rêm râ, mâu kơvâ cheăng, mâu ngế rơkê, mâu ngế ki pêi cheăng ‘na luât ƀă krâm kuăn pơlê.

VOV.Xơ Đăng - Kơxo lơ 3/8, Khu pơkuâ Khu kuăn pơlê pêi chiâk deăng kong pơlê Dak Lak hneăng má I, hneăng hơnăm 2025 – 2030 tơkŭm po Hôp tơno tơdroăng kal rôh má 2, rah xo tơ’nôm Kăn cheăng tung Khu pơkuâ, Khi hnê mơhno ƀă Inâi Kăn hnê ngăn Khu kuăn pơlê pêi chiâk deăng kong pơlê.

VOV.Xơ Đăng - Tơpui pơxiâm po Hneăng hôp ôh tá xê tiah hmâ rôh má Môi dêi Kuô̆k hô̆i kơxo lơ 3/8, pôa Trần Thanh Mẫn, Kăn xiâm hnê ngăn Kuô̆k hô̆i pơkâ thế pơtối pơhlêh nếo rơdêi túa tơmiât mơjiâng pro luât.

VOV.Xơ Đăng -  Kơxo lơ 3/8, Hneăng hôp ôh tá xê tiah hmâ má Môi, Kuô̆k hô̆i hneăng má XVI păng ‘nâng pơxiâm po a pơlê kong xiâm Hà Nội. Tung tơdroăng ki thâ dêi tíu hôp Kuô̆k hô̆i, mâu tơdroăng tơmiât, pói vâ ƀă tá mâu ‘’tíu kreăng’’ pơkâ pêi nôkố kong pơlê dế châ mâu Khu râ kăn teăng mâ Kuô̆k hô̆i djâ, ƀă tơdroăng pói vâ mơjiâng mâu tơdroăng ki mơnhông nếo ăm tơdroăng mơnhông dêi tơnêi têa. Hdrối hâi lo lăm veăng hôp, Khu râ kăn teăng mâ Kuô̆k hô̆i kong pơlê Lâm Đồng hiăng ai rôh pêi cheăng trâu hơngế ƀă Vi ƀan kong pơlê, Vi ƀan Mât trâ̆n Tơnêi têa Việt Nam kong pơlê rơtế mâu khu, kơvâ cheăng vâ séa ngăn, ‘nâi mâu tơdroăng ki pá puât, tơvâ tung tơdroăng pêi pro luât.

VOV.Xơ Đăng - Kơnôm tơdroăng ki kal khôi túa lĕm tro ƀă troăng hơlâ mơhnhôk châ tơƀrê, ôm hyô Dak Lak ƀă Khánh Hòa mơnhên tơdroăng ki châ tơƀrê rơdêi tung mâu khế apoăng hơnăm 2026 ƀă kơxô̆ tơmối rơtế pêi lo liăn tơtêk hluâ pơkâ.