Veăng hôp a rôh hôp ai lối 150 ngế cho mâu khu ki pơkuâ ngăn, khu ki rơkê, khu hriăn ‘na khoa hok; teăng mâ hên hngêi trung đăi hok, hok viê̆n hriăn ngăn, khu mơdró kâ, khu pêi cheăng tơrŭm tung ƀă kong pơlê ki ê. Veăng tơpui tối a rôh hôp ăm hlo, cheăng mơjiâng troăng hơlâ tơrŭm cheăng krá tơniăn pơla Tơnêi têa – Hngêi trung – Khu mơdró kâ cho pơkâ thế ki kal pêi tơdrêng vâ Lâm Đồng mơdêk rơdêi mơjiâng khoa hok, kong ngê̆ ƀă pơhlêh nếo tơmiât pêi rơkê.

Tơdroăng kố cho pơxiâm ai sap ing ki ai khât cho kăn pơkuâ pro troăng hơlâ tá hâi tro ƀă tơdroăng púi rơhêng vâ tung tơdroăng ki ai khât; hriăn ngăn khoa hok tá hâi tro ƀă tơdroăng mơjiâng pro, tê mơdró; klêi kơ’nâi hriăn ngăn khoa hok tá hâi châ hnê tối tơƀrê, tung pơla mơdró kâ xơpá vâ châ xúa kong ngê̆ ƀă khu ki rơkê.

Pôa Nguyễn Ngọc Phúc, Phŏ hnê ngăn Vi ƀan kong pơlê Lâm Đồng, tối tiah kố, tung troăng hơlâ tơrŭm khu mơdró kâ pơkâ tơdroăng, hngêi trung ƀăv khu ki hriăn ‘na khoa hok athế pro ƀai toăn, Tơnêi têa chêh pro troăng hơlâ, tơdjêp mâu kơxô̆ liăn tơlo, tŏng gum liăn ngân ƀă mơdêk xúa, tê mơdró châ tơƀrê.