Tung 7 khế hiăng hluâ, kong pơlê Khánh Hòa tơdah lối 15 rơtuh rôh tơmối, tâk vâ chê 39% tâng pơchông ƀă rôh kố hơnăm 2025; tung mê tơmối lâp plâi tơnêi châ dâng 5,5 rơtuh rôh ƀă pêi lo liăn châ lối 82.000 rơtal liăn. Krê tung khế 7, Festival Têa kơxĭ Khánh Hòa 2026 ƀă dó inâi ‘’Mơngiơk rêa kơxĭ – Xông troh râ lâp plâi tơnêi’’ hiăng chiâng tơdroăng ki mơhnhôk kân drêng mơhnhôk vâ chê 790 rơpâu rôh tơmối tung 3 hâi tơkŭm po leh hô̆i, djâ vêh lối 1.300 liăn.

Teăng mâ Khu pơkuâ Khôi túa lĕm tro, Tơ’noăng ivá ƀă Ôm hyô kong pơlê tối ăm ‘nâi tung la ngiâ kong pơlê kô po troăng kân tơdrăng Đồng Hới – Cam Ranh, mơdêk mơhnhôk tơmối Sinuâ, hnê mơjiâng mơngế pêi cheăng tơpui nâl Rusi, kêi đeăng troăng hơlâ ôm hyô pơlê pơla ƀă kêi đeăng hô sơ mơnhên kơpong ôm hyô tơnêi têa Peăng kơnhŏng rơlố Cam Ranh vâ la ngiâ mơnhông mơdêk krá tơniăn.

Sap apoăng hơnăm troh nôkố, kong pơlê Dak Lak tơdah dâng 5,3 rơ tuh ngế tơ mối, tâk 73% tâng vâ pơchông ƀă hơnăm nah, ƀă tâi tâng kơxô̆ liăn châ xo lối 9.000 rơtal liăn.

Vâ pê klêi pơkâ tơdah 10 rơtuh ngế tơ mối tung hơnăm kố, Khu hnê mơhno Mơnhông ôm hyô ôi  kong pơlê môi tuăn tơmâng pê klêi tơdroăng Tơkêa bro mơ nhông ôm  hyô pơla hơnăm 2026-2030, mơjiâng inâi teăng mâ, mơnhông tơmeăm OCOP rơtế ƀă ôm hyô ƀă mơdêk pơ ‘lêh kơxô̆. Kăn hnê ngăn Vi ƀan Kuăn pơlê kong pơlê pơkâ mâu kơvâ cheăng mơdêk tơdjêp tê mơdró ƀa ôm hyô, mơnhông ôm hnô pêi chiâk, tung kuăn pơlê tah ki pá tơvâ tơvân  ăm tơdroăng tơkêa bro. Malối, kơvâ mơhno túa ôm hyô  kal tơrŭm ƀă tăng tíu troh, po tơmeăm ôm hyô ki nếo kơbrê krê xêh a mâu tíu ai tơmeăm ôm hyô mê cho Kao, Tuy Hòa, Lắk vâ pro phá xêh ƀa ưtơ ‘mot tơmối troh tung hơnăm 2027.