Kuô̆k hô̆i kô séa ngăn, tơbleăng 15 tơdroăng tơkêa bro luât, 4 tơdroăng ai chêh tung hlá mơ-eá troăng hơlâ luât; ăm veăng tối ƀă 7 tơdroăng tơkêa bro luât,  séa ngăn, pơkâ ‘na tơdroăng mơngế pêi cheăng ki tro hnoăng tơná pơkuâ ngăn ƀă pơkâ 06 tơdroăng ki kal ‘na cheăng kâ  - pơlê pơla, ‘no liăn  mơ jiâng tơmeăm khoăng. Kố cho tơdroăng cheăng ki kân, tung mê ai hên tơdroăng tơdjâk troh tơdrêng troh kuăn pơlê, khu mơdró, tơdroăng cheăng dêi khu tơdroăng cheăng dêi mâu kăn tơnêi têa ƀă mơnhông cheăng kâ - pơlê pơla.

A rôh hôp, Kuô̆k hô̆i pơtối pê klêi luât pơkâ tah tíu ki pá, tơleăng mơnhên ƀă pơxiâm tâk. Hên tơdroăng tơkêa bro luât châ ngăn ki tơdjâk  tơdrêng troh hyôh kong prâi ’no liăn cheăng, tê mơdró ƀă ivá tơbriât cheăng kâ, ƀă pơkâ thế hơ’lêh nếo tơkŭm dêi khu xiâm, pơkuâ cheăng dêi mâu kăn kong pơlê 2 râ, mơdêk xoăng râ, xoăng hnoăng ƀă mơdêk pêi tơbrê  tơdroăng rak ngăn tơnêi têa; pê klêi luât pơkâ vâ mơnhông cheăng khoa hok, kơmăi kơmok, hơ ‘lêh nếo hriăn plĕng ki nếo ƀă pơ‘lêh kơxô̆.