A Dak Lak, mâu tơdroăng kal châ xo ing tơdroăng veăng tối mê cho: Luât ‘mâi hơ’lêh, tơ’nôm mâu tơdroăng dêi Luât Hnoăng pêi pro chêl thiê̆n dêi Tơnêi têa; Luât ‘mâi hơ ‘lêh, tơ‘nôm mâu tơdroăng dêi Luât Hngêi rak liăn tơnêi têa Việt Nam, Luât hbrâ mơdât xúa liăn ôh tá tơdrăng ƀă Luât Mâu khu ăm mung liăn; Luât ‘mâi hơ ‘lêh, tơ ‘nôm mâu tơdroăng Luât Pơcháu kong ngê̆, Luât Hyôh phôn, Luât mơdró tung điê̆n tưh, Luât tần số vô tuyến điện; ƀă péa hlá mơ-éa chêh hbrâ dêi Hlá mơ-éa chêh troăng hơlâ dêi Kuô̆k hô̆i ‘na hbrâ, mơdât mâu ki xôi ƀă luât pơkâ, luât tŏng gum krê pơxâu phâk mâu ngế pro xôi luât ki tơdjâk troh cheăng kâ, hơ’lêh nếo hriĕn plĕng ki nếo, pơ’lêh kơ xô̆ pêi cheăng tung măng.

Teăng mâ mâu kơ koan dêi kong pơlê Dak Lak hiăng pâ thế pê klêi hên pơkâ pơxiâm tung tơdroăng ai khât.

-A Lâm Đồng, teăng mâ mâu khu, kơvâ hiăng veăng 8 rôh tơpui ƀă 15 tơdroăng tơkêa bro luât, 4 tơdroăng tơkêa bro pơkâ tiô luât, tung mê, ai hên rơkong veăng tơpui ƀă Luât Tơnêi tơníu (‘mâi rơnêu), Luât Hngêi ối (‘mâi rơnêu); Luât Tê mơdró tơnêi (‘mâi rơnêu); tơdroăng tơkêa bro Luât pơxâu mơngế xôi kân (‘mâi rơnêu); Tơdroăng tơkêa bro Luât ‘mâi rơnêu, tơ’nôm mâu troăng dêi 09 luât ‘na cheăng lêng, gâk kring tơnêi têa... Mâu rơkong tơpui pơkâ ing mâu pơkâ nôkố dêi kong pơlê.

Khu râ kăn teăng mâ Kuô̆k hô̆i kong pơlê Lâm Đồng hiăng tơkŭm, rah xo mâu tơdroăng ki xiâm vâ veăng tung Hneăng hôp ôh tá tiah hmâ má Môi, Kuô̆k hô̆i hneăng má XVI.