Mơgêi rôh pêi cheăng, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ thế, thế thâ kêi đeăng Tơdroăng tơkêa bro lĕm Grup pơkuâ hneăng hơnăm 2026 – 2030 tiô troăng ki păng ‘nâng, ai xiâm kối; Tơdroăng tơkêa bro thế tiô Pơkâ 19, Tơdroăng pơkâ 57, mâu pơkâ ‘na on tơhrik, tơmeăm tung kơdâm tơnêi ƀă pơkâ pơhlêh krúa lĕm; pro mơnhên pơkâ pêi, troăng pêi pro, hnoăng cheăng, tơdroăng châ tơƀrê séa ngăn ƀă tơdroăng ki pêi lo châ hên, châ tơƀrê kơxô̆ liăn ƀă kŏng ngê̆, kơ koan pêi cheăng lế lĕm tro ƀă ivá tơbriât hên.

Kăn xiâm pơkuâ hnê ngăn, kăn xiâm hnê ngăn tơnêi têa, Grup pơkuâ thế châ tơƀrê hluâ pơkâ ‘na khoa hok kŏng ngê̆, pơhlêh xúa kŏng ngê̆ ƀă pêi lo tơmeăm hên tung pêi cheăng; tơdrêng amê, vêh bro mâu kơvâ mơ’no liăn cheăng ƀă liăn ngân, mơdêk po rơdâ tơrŭm cheăng mơnhông ivá pơkuâ, rêm tơdroăng tơkêa bro thế châ tâi tâng ƀă châ rah xo krá tơniăn, ôh tá tiô vâ pêi pro kân, ôh tá mơ’no liăn pro tơmeăm utâi utá. Bro tơdroăng tơniăn ƀă tơdroăng rêh ối dêi mơngế pêi cheăng a tíu xiâm ƀă chiâ xo tơmeăm khoăng tung kơdâm tơnêi, rak tơniăn kong prâi, mơnhông mơdêk krá tơniăn dêi pơlê.

Rơtế ƀă mê, thế tŏng ‘na hngêi ối, khăm pơlât ƀă kum rêh ối pơlê pơla ‘na tơdroăng pêi cheăng, mơdêk xúa kơmăi kơmok, chiâng pêi xêh ƀă kơmăi vâ kơdroh pêi cheăng ki hngăm, rơ-iô.