Lâm Đồng rơnêu troăng prôk hdrối vâ mot tung rơnó mê hngê, têa kân lân lu
Thứ năm, 09:56, 30/07/2026
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV.Xơ Đăng - Kong pơlê Lâm Đồng dế tơkŭm tơbleăng pêi mâu troăng hơlâ vâ mơdêk ki tơƀrê tung pơkuâ ngăn, ‘mêng rơnêu rak vế troăng prôk vâ hbrâ ví tung rơnó kong mê têa kân lân lu.
Tung lâp kong pơlê Lâm Đồng ai 62 to troăng prôk dế châ pro rơnêu vâ rak tơniăn prôk a drô troăng. Tung mâu kơxô̆ troăng ki kố ai 16 to troăng hiăng tơ’nhiê xua kong mê têa kân lân a hơnăm nah. Troh mơ’nui khế 7, kơxô̆ liăn ‘no ăm mâu tơdroăng ki ‘mêng pro troăng prôk ki hiăng tơ’nhiê, rak vế ‘mêng pro troăng prôk dêi Lâm Đồng châ vâ chê 380 rơtal, tơ’mô 62% kơxô̆ liăn plâ hơnăm.
Ƀă mâu troăng prôk ki hiăng tơ’nhiê xua kong mê têa kân, kong pơlê dế ‘mâi mơnhông rĕng pro 9 to troăng prôk ƀă tung kơxô̆ 6 to troăng prôk ki hiăng pro klêi.
Viết bình luận