Troh nôkố, Dak Lak hiăng xing xoăng lối 9.600 rơtal liăn kơxô̆ liăn mơ’no cheăng tơnêi têa, mơjiâng 5 tôh pêi cheăng tăng ƀăng tơnêi ăm 51 tơdroăng tơkêa bro ki xiâm ƀă mơhnhôk tơdroăng pêi pro rĕng tơdroăng cheăng 20 tơdroăng tơkêa bro. Vi ƀan kong pơlê Dak Lak châ pơkâ pêi 6 khế mơ’nui hơnăm châ tâi tâng kơxô̆ liăn mơ’no pêi pro lối 53.200 rơtal liăn, tâk 70% tâng pơchông ƀă rôh kố hơnăm nah.

A rôh hôp, mâu kăn teăng mâ mơnhên tơdroăng pá puât tung mơ’no liăn cheăng, mơhnhôk mơ’no liăn cheăng, tơdrêng amê môi tuăn pơhlêh pơkuâ tơdroăng châ tơƀrê, ƀă hnoăng cheăng ngế ối a ko. Mơgêi rôh hôp, pôa Lương Nguyễn Minh Triết, Kăn pơkuâ hnê ngăn cheăng Đảng kong pơlê Dak Lak pơkâ thế inhên hnoăng cheăng qúy III ƀă IV, kơjo kơxô̆ liăn ăm mâu tơdroăng tơkêa bro veăng tơlo tơtêk; kheăn kơdeăn tíu pêi cheăng pêi tơtro tâ ƀă pơxâu phâk kơtăng ngế ối a ko mâu tíu ki hrá, ví hnoăng cheăng.