Chin phuh mơ’no hnoăng pơkuâ trâu rơdâ ăm kơphô̆ ki tơviah. Pơchuât Hlá mơ-éa pơtroh dêi Chin phuh, pôa Hoàng Thanh Tùng, Ngế xiâm ngăn tơdroăng mơjiâng luât tối nhên, tơdroăng tơkêa Luât Mơjiâng kơphô châ chêh pro cho vâ pro chiâng tơdroăng luât tơniăn, mơnhông ƀă thăm mơnhông. Pơkâ pêi xiâm ki kal cho lêi tah tíu ki tro kreăng ‘na troăng hơlâ pơkâ, troăng prôk, liăn ngân ƀă tơkŭm pêi pro; thăm mơnhông xoăng râ, xoăng hnoăng vâ thăm mơnhông rĕng, krá ton.

Cheăng mơjiâng luât cho kal khât vâ troăng hơlâ pơhlêh tơdroăng pơkâ dêi Đảng; pơtó, pơhlêh mâu troăng hơlâ luât, troăng hơlâ tŏng gum ki xiâm châ pơkâ a mâu tơdroăng pơkâ ki ai tơdjâk troh dêi Kuô̆k hô̆i hiăng châ pêi pro tiô tơdroăng ki ai khât. Nôkố, Pơlê kong kân Hồ Chí Minh ƀă mâu kơphô̆ ki kân ối ai hên tơdroăng ki tro kreăng ‘na túa pơkâ, troăng prôk, tơnêi tơníu, pơhlêh nếo tơmiât pêi rơkê, hnê hriâm khăm pơlât, tŏng gum rêh ối pơlê pơla, pơkuâ ngăn ngăn ƀă tơrŭm kơpong, kal môi troăng hơlâ luât tơniăn, séa ngăn tâi tâng ƀă ai tŭm ivá rơdêi vâ pro ivá mơnhông nếo.