Pơkâ pêi pro “tơdroăng ki lĕm” châ xúa mơnúa ƀă mâu tơdroăng tơkêa bro mơ’no liăn cheăng pơhlêh xúa kŏng ngê̆ ối tung hnoăng cheăng mơ’no liăn mơnhông tiô pơkâ dêi Tơdroăng pơkâ kơxô̆ 224 dêi Chin phuh. Kơpong pêi pro mê cho tơdroăng ki xiâm cho mơnhên, pơkâ troăng hơlâ mơ’no ƀă mơnhên, pơkâ mơ’no liăn tơdroăng tơkêa bro.

Vi ƀan kong pơlê Dak Lak châ pơkâ mơ-eăm kơdroh ki vâ iâ 30% hâi khế pro mơ-éa ối tung hnoăng dêi kơ koan tơnêi têa tung mâu tơdroăng ki mơnhên, tơmâng xo rơkong tơpui, tơkŭm tâi tâng, tơbleăng kĭ ƀă tơbleăng pơkâ ƀă mâu tơdroăng tơkêa bro ối tung tíu ki xúa. Klêi 6 khế pêi pro kô tơkŭm po mơnhên troăng apoăng, klêi 1 hơnăm tơkŭm mơgêi pơtân vâ séa ngăn pơtối pêi pro, pơhlêh ƀă po rơdâ tíu ki xúa.