Xông tơpui hnê mơhno a Hneăng hôp, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối rơdêi, Đảng, Tơnêi têa ƀă Kuăn pơlê Việt Nam pói vâ tơdah châ tơdroăng tơrŭm dêi Tơdroăng Khu lâp kong têa ƀă Trăng lưỡi liềm đỏ lâp plâi tơnêi, mâu khu tơrŭm lâp plâi tơnêi ƀă khu tơrŭm mơnhông mơdêk, gum mơdêk ivá pêi tơdroăng ki lĕm, thăm tơrŭm nhŏng o, tơrŭm môi tuăn xua hơniâp lĕm ƀă mơnhông krá tơniăn.

Tối nhên, Tơnêi têa dế mot tung chal mơnhông nếo, tơmiât troh pơkâ chiâng kong têa mơnhông mơdêk, pêi lo liăn hên a hơnăm 2045, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối rơdêi, môi Việt Nam rơdêi thế môi Việt Nam tuăn pâ; môi pơlê pơla rơxông nếo thế ‘nâi gum mâu ngế ki pá puât; môi tơnêi têa mơnhông mơdêk thế kơchăng ƀă rak vế tuăn ihiâm mơno lĕm, tơdroăng ki tơniăn dêi rêm ngế kuăn mơngế.

Xua mê, tơdroăng tŏng gum mơngế pá puât ôh tá xê pơtê a tŏng gum drêng kong prâi pro ôh tá tơniăn, pơreăng, drêng trâm xía vâ, mê thế chiâng môi khu dêi troăng pêi cheăng ton xŏn mơnhông kuăn mơngế, tơniăn rêh ối pơlê pơla, pơkuâ tơdroăng ki ôh tá tơniăn ƀă mơdêk ivá mơnhông tơtêk dêi pơlê pơla.