Troh nôkố, kơxô̆ liăn ‘no pêi cheăng tơdjuôm dêi kong pơlê Lâm Đồng châ 30% hnoăng pơcháu, iâ tâ kơlo pơkâ lâp tơnêi têa cho 39%, ối má 31 tung kơxô̆ 34 to kong pơlê, pơlê kong kân. Xiâm kối kơxô̆ liăn ‘no pêi cheăng tơdjuôm dêi kong pơlê Lâm Đồng châ iâ châ mơnhên cho xua tơvâ tung chêl thiê̆n, xo tơnêi; cheăng hbrâ kơxô̆ liăn ‘no pêi cheăng ối hrá ƀă tơdroăng xing xoăng kơxô̆ liăn tá hâi tơtro ƀă ivá vâ pêi pro dêi mâu tơdroăng tơkêa.

Kong pơlê pơkâ pêi troh tâi khế 9 ‘no liăn pêi cheăng châ dâng 65% túa pơcháu kơxô̆ liăn. Tơpui hnê mơhno a rôh hôp, pôa Hồ Văn Mười, Kăn hnê ngăn Vi ƀan kong pơlê Lâm Đồng pơkâ thế mâu khu râ, kơvâ cheăng, kong pơlê séa ngăn rêm tơdroăng tơkêa bro, vâ lêi tah ki tơvâ tơvân xơpá, mơdêk rĕng tơdroăng ki pro ƀă ‘no liăn pro; tơdrêng amê hlối mơdêk khât ƀă pơxâu phâk ngế ki ối a ko.