Klêi hmâng pơchuât tơbleăng ƀă mâu rơkong tơpui, pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa tơmâng xo ƀă khĕn kơdeăn Đảng ủi, kăn pơkuâ Séa ngăn Chin phuh ƀă tâi tâng kơvâ cheăng Séa ngăn hiăng mơ-eăm ‘mâi mơnhông xơpá, hbrâ rơnáu tơbleăng túa pêi cheăng nếo, pêi pro klêi mâu tơdroăng cheăng ƀă pêi châ tơƀrê hên mâu tơdroăng ki kơhnâ rơkê.

Pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa pơkâ thế tung la ngiâ, pơhlêh nếo cheăng séa ngăn athế pơkâ pêi tung tâi tâng pơhlêh nếo túa pơkuâ dêi Đảng; pêi pro klêi Tơnêi têa luât pơkuâ xah hô̆i chuh ngiah; klâ xoăng kơ koan cheăng, xúa kăn pơkuâ kong pơlê péa râ; xoăng râ, xoăng hnoăng ƀă mơdêk pơkuâ ngăn tơnêi têa.

Khu tơrŭm pêi cheăng dêi kơvâ cheăng athế tơkŭm, môi tuăn, pêi tiô tơdroăng ki ai; séa ngăn hnoăng pơkuâ, rak kơtăng tơdroăng ki pơxâu hôu, rak vế kuăn pơlê, gum tơdroăng mơnhông mơdêk.