Pôa Lê Minh Hưng, Ngế pro hnê ngăn Tơnêi têa mơnê mâu hnoăng veăng ‘no dêi pôa Schmittmann tung tơdroăng pơtối rak tơpui tơno ‘na luât ƀă mơdêk hnoăng pơkuâ hnê mơhno ăm Việt Nam tung mâu hơnăm hdrối nah, hlối rơkâu kơ pôa Jamaludin châ rah xo a Việt Nam ƀă Lếo. Pôa Lê Minh Hưng tối nhên, IMF cho khu tơrŭm cheăng hnê tối ‘na luât troăng hơlâ pêi cheăng ƀă cho pú rơtế ƀă ki nhuốm khât.

Chin phuh Việt Nam đi đo ngăn mâu tơdroăng tơbleăng mê, pâ thế dêi IMF cho xiâm ăm ‘nâi mâu tơdroăng tăng ngăn ‘na ki kăn tung tơdroăng pơkâ tơdroăng pơkuâ. Ngế pro xiâm hnê ngăn tơnêi têa púi vâ tung hneăng ki nếo, Ƀơrô IMF pơtối cho kông tơdjêp ki tro, mơdêk tơrŭm cheăng pêi tơƀrê, pơtối rak tơpui kâ ‘na luât đi đo, veăng ‘no hnoăng pơxúa a tơdroăng pơkâ cheăng kâ tâk rĕng ƀă krá tơniăn dêi Việt Nam.