Kơmăng lơ 28/7, a plông Quy Nhơn, kong pơlê Gia Lai, Khu ngăn Túa lĕm tro, Tơ’noăng Ivá ƀă Ôm hyô kong pơlê Gia Lai tơrŭm ƀă Khu xiâm ngăn tơ’noăng  Ivá  Việt Nam ƀă Liên đoân Voh thuât ing nah dêi Việt Nam po tơ’noăng ngăn khu ki lâi rơkê dêi Kâu lăk ƀô̆ Voh chal krâ sap ing nah dêi tơnêi têa rôh má 15 hơnăm 2026. Tơ’noăng mê ai 33 khu ƀă lối 900 ngế, mâu ki hnê, mâu ngế tơ’noăng a péa tơdroăng kal ‘na pơkâ tơ’noăng quyền thuâ̆t ƀă đô̆i khăng.

Kố cho rôh po tơ’noăng ki kal kum mâu ngế tơ’noăng châ trâm tơpui tơno, hriâm ing dêi rơpó túa tơ’noăng mơdêk rế rơkê, hlối mơdêk tơdjêp pơla mâu kong pơlê tung tơdroăng pơtối rak ki kơnía lĕm ton nah. Khu tơkŭm po tối nhên voh tiah hmâ ing nah cho tơmeăm khoăng túa lĕm tro ki krê tơkŭm ing tuăn vâ voh ƀă hiâm mơno pâ nhoăm tơnêi têa dêi hdrông mơngế.

Tơdroăng po tơ’noăng xuân veăng tơbleăng ki kơnía pơxúa dêi Voh thuâ̆t Việt Nam tung pơla tơnêi têa pin dế pơtroh ăm UNESCO hồ sơ rah xo “Voh túa ton nah Bình Định” cho tơmeăm túa lê̆m tro ki kơnía teăng mâ dêi kuăn mơngế a rŏng tơnêi.