Dak Lak khŏm kêi đeăng Tơdroăng 500 hâi măng ti tăng, chiâ rôu xo kơxêng, mơnhên inâi kiâ mô đô̆i
Thứ sáu, 05:00, 31/07/2026
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng - Khu hnê mơhno tơkŭm pêi pro ‘’Tơdroăng 500 hâi măng mơdêk tơdroăng ti tăng, tơkŭm chiâ rôu ƀă mơnhên inâi kơxêng kiâ mô đô̆i ‘’ kong pơlê Dak Lak tơkŭm po rôh hôp má môi, môi tuăn Pơkâ pêi cheăng, xing xoăng hnoăng cheăng mâu ngế pêi cheăng ƀă pơkâ pơkuâ a tung kong pơlê.
Kong pơlê Dak Lak nôkố ai 34 ilâng kiâ mô đô̆i ƀă lối 15.200 tơnâp, tung mê lối 4.100 tơnâp tá hâi mơnhên châ tơdroăng ƀă lối 4.000 tơnâp kal xo xâk, kơxêng vâ mơnhên ADN. Rơtế ƀă tơdroăng xo mâuh ADN, kong pơlê hiăng mơnhên 584 kơpong ai tơdroăng ‘na tơnâp mô đô̆i tá châ tơkŭm, ƀă lối 6.000 tơnâp kal pơtối mơnhên.
Mâu khu cheăng hiăng séa ngăn a 79 cheăm, bêng, tơpui ƀă pêi pro 90 tơdroăng ƀă tơkŭm châ 7 kơxêng kiâ mô đô̆i. Nôkố Dak Lak dế thâ pêi pro rơdêi tơdroăng vâ châ pơkâ tơkŭm 180 kơxêng kiâ mô đô̆i ƀă kêi đeăng xo xâk, kơxêng ƀă 4.019 tơnâp kiâ mô đô̆i tá hâi mơnhên inâi tung hơnăm 2026.
Viết bình luận