Mơgêi rôh hôp, pôa Lê Tiến Châu, Phŏ Ngế pro xiâm hnê ngăn tơnêi têa tối rơdêi: kơvâ hnê hriâm kal rak krá tơniăn ki khên tơnôu, mơ-eăm pơhlêh nếo tiô troăng rơxông nếo, mot tơrŭm laga thế kơchăng, ‘nâi nhên khât ƀă ai rah xo lế lĕm tro.

‘Na tơdroăng tơ’noăng ƀă rah xo hok tro lâm 10, Khu xiâm pơkuâ hnê hriâm ƀă Hnê mơjiâng tuăn ngôa rơkê kal tơbleăng khung pơkâ ki tro, thăm xing xoăng râ, hnê cheăng pêi; pơcháu kong hbrâ rah mâu troăng rah xo ki tơtro, bu tơkŭm po tơ’noăng ƀă mâu hngêi trung chuyên ƀă hngêi trung dâi lĕm vâ kơdroh pá ăm hok tro. Ƀă hneăng tơ’noăng mơgêi râ má pái THPT , Phŏ Ngế pro xiâm hnê tơnêi têa hnê mơhno pơtối rak tơniăn vâ tơniăn mơnhên tíu lo, tơdrêng amê pơhlêh nếo ivá mơnhên ƀă troăng séa ngăn. Phŏ Ngế pro xiâm hnê ngăn tơnêi têa tối kơvâ hnê hriâm kal tơpui ƀă pêi pro kơtăng mâu tơdroăng pro xôi laga thế tơniăn ki rơkê, khŏm kơtăng tah lôi mâu tơdroăng ki châ tơƀrê, rak krá troăng prôk la ngiâ pơhlêh nếo xua dâi lĕm păng ‘nâng.