4 tơdroăng tơkêa bro hngêi trung phôh thong ai tíu kâ koi ối pơtê tơdjêp râ châ pêi pro a mâu cheăm Rờ Kơi, Dục Nông, Sa Loong, Mô Rai, ƀă tâi tâng kơlo liăn mơ’no lối 872 rơtal liăn. Troh nôkố, tơdroăng mơjiâng hngêi trung, pêi kêi đeăng tâi tâng kơmăi pơkuâ ƀă rah xo hok kêi đeăng. Tâi tâng tơmeăm ki mơjiâng pro 4 tơdroăng tơkêa bro châ lối 85%.

Tung mê Hngêi trung Phôh thong ai tíu kâ koi ối pơtê tơdjêp râ Má môi – Râ má péa Rờ Kơi mơ-eăm mơjiâng kêi đeăng hdrối hâi lơ 15/8. Kong pơlê Quảng Ngãi pơkâ mơhnhôk mâu khu ngế vâ kêi đeăng tro tơdroăng pơkâ tŭm 4 hngêi trung hdrối hâi lơ 30/8 vâ teăm tơdrêng djâ xúa, tơniăn pơkâ mơnhông hnê hriâm ƀă rêh ối pơlê pơla ƀă gâk kring tơniăn tơnêi têa, gâk kring kơpong tơkăng kong.