Tối mơgêi rôh hôp, Kăn xiâm pơkuâ hnê ngăn Đảng, Kăn xiâm hnê ngăn tơêi têa tối nhên, tơdroăng pro rế rơdêi Khu hnê mơhno Tíu xiâm tơnêi têa rôh kố ôh tá xê to pơ’lêh xoăng hnoăng cheăng pêi mê ối pêi trâu rơdâ tâ, cho pơ’lêh tơdroăng ki kal tung mâu tơdroăng cheăng vâ ai tiô kal vâ tung mâu hơnăm la ngiâ.

Pôa pơkâ thế, pơtối pơ‘lêh rơdêi ing rak ngăn troh rak tâi tâng thế ai tơƀrê nhên, rêm tơdroăng cheăng thế ‘nâi nhên tơdroăng klâi kal thế pêi pro, tơmeăm pêi lo ki mơ’nui, mơngế kal xúa, ƀă pêi ho tơƀrê kô chiâng hdró, châ mơnhên ngăn.

Kăn xiâm pơkuâ hnê ngăn Đảng, Kăn xiâm hnê ngăn tơêi têa xuân tối, thế pro pơ’lêh ing pêi cheăng hlâu ‘nôi troh tơdroăng pêi cheăng ki ‘nâi hriĕn plĕng ki nếo, sap pêi cheăng xúa ivá mơngế pêi troh xúa hriĕn plĕng ing tuăn ngôa rơkê, xua pin ôh tá chiâng mơnhông mơdêk rĕng ƀă krá ton nếo xuân ối kơnôm to a pêi cheăng tơ’lêi lâu, pêi pro ƀă kŏng, krâ pơklêp lơ tí tăng mâu tơmeăm ki hiăng ai hlâu.