Tối tơdroăng hiăng pêi châ tơƀrê 7 khế kố nah, Ngế pro xiâm hnê ngăn tơnêi têa pơkâ thế mâu ngế cheăng tung Chin phuh ngăn a tơdroăng ki ai khât ƀă tơdroăng ki tối tơbleăng dêi Khu xiâm ngăn ‘na Liăn ngân, Ƀơrô Chin phuh vâ tối nhên tro mâu tơdroăng hiăng châ pêi pro. Môi tung mâu tơdroăng kal ki kân châ Ngế pro xiâm hnê ngăn tơnêi têa hnê mơhno a rôh hôp cho tơdroăng cheăng thế pêi kêi đeăng luât pơkâ ƀă tơbleăng mâu hlá mơ-éa chêh troăng hơlâ luât pơkâ vâ pêi.

Ing mê, mơdêk rĕng pê klêi mâu tơdroăng chêh ‘na luât, hlá mơ-éa chêh troăng hơlâ luât pơkâ pơtroh ăm Kuô̆k hô̆i; rĕng pơkâ mâu hlá mơ-éa hnê pêi mâu tơdroăng mơ’no thế pêi pro dêi luât ki hiăng xêt khât la ối hrá pêi. ‘Na tơbleăng pơkâ pê klêi hlối Hlá mơ-éa chêh troăng hơlâ luât pơkâ 57 dêi Khu xiâm Kal kí ‘na pơlêh kơxô̆ cho pêi cheăng tung măng,  Ngế pro xiâm hnê ngăn tơnêi têa tối tiah kố, klêi Khu hnê mơhno Tíu xiâm châ ngăn tâi tâng ‘na tơdroăng xing xoăng hnoăng cheăng pêi ƀă kơ koan pơkuâ cheăng, mâu khu xiâm, kơvâ cheăng kal hbrâ pêi tơrêm tơdroăng cheăng.

Tung mê, ki kal cho pêi nhên Kơxêng túa vâ mơngiâng tơmeăm khoăng tâi tâng dêi Tơnêi têa ai chêh ‘măn tung kơmăi, pê klêi tíu chêh ‘măn mâu tơdroăng kal tơnêi têa ƀă tíu xiâm chêh ‘măn tung kơmăi dêi kơ vâ cheăng, mơnhông tơƀrê cheăng ƀă kong ngê̆ ƀă mâu tơmeăm pêi ƀă kŏng ngê̆.