VOV4.Xơ Đăng - Tiô rơkong krếo thế dêi pôa Sonexay Sipgandone,  Ngế pro xiâm hnê ngăn Chin phuh Lếo , kơxo hâi lơ 23/8, pôa Phạm Minh Chính, Ngế pro xiâm hnê ngăn Chin phuh hiăng veăng hôp ƀă tối tơbleăng a rôh hôp mơ’no tơdrêng tiô troăng hyôh măng a hneăng hôp Kân to mâu kăn kơdrâi ASEAN rôh má 3.

VOV4.Xơ Đăng - Kơxê lơ 22/8, pôa Trần Thanh Mẫn, Kăn xiâm hnê ngăn Kuô̆k hô̆i tơdah pôa Sommad Pholsena, Kăn xiâm phŏ hnê ngăn Kuô̆k hô̆i kong têa Lếo dế ai roh lăm pôu ƀă pêi cheăng a Việt Nam.

VOV4.Xơ Đăng - Kơxê hâi lơ 22/8, a Hà Nội, pôa Phạm Minh Chính, Ngế pro xiâm hnê ngăn Chin phuh veăng leh tơbâ 55 hơnăm Hâi mơjiâng kơvâ pro trếo pơkeăng Việt Nam.

VOV4.Xơ Đăng - Tơdroăng ki pơtroh đảng viên cho mơngế kăn ƀô̆ a mâu đông gâk tơkăng kong pêi cheăng rơtế ƀă đảng ƀô̆, chi ƀô̆ a tơkăng kong Dak Nông dế chiâng mâu tơdroăng tơƀrê, ai pơxúa. Mâu đảng viên krâ kơlŏng drêh dế veăng gum pro hơ’lêh “túa tơmiât, túa pêi”, gum tơdroăng rêh ối dêi vâi krâ nhŏng o mâu hdroâng kuăn ngo a kơpong tơkăng kong rế hía rế tơniăn ƀă mơnhông. Ing mê, veăng gum kal khât tung mơjiâng ivá rak vế tơkăng kong tâi tâng kuăn pơlê a tíu tơkăng kong dêi kong pơlê Dak Nông.

VOV4.Xơ Đăng - Kơxo lơ 22/8, pôa Phạm Minh Chính, Ngế pro xiâm hnê ngăn Chin phuh veăng Hneăng hôp tơpui tơno Tuăn ngôa rơkê ƀă Mâu ngế rơkê Việt Nam a kong têa ê, rơtế veăng ai khu râ kăn pơkuâ mâu Khu, khu xiâm, kơvâ cheăng Tơnêi têa, kong pơlê ƀă teăng mâ tơdroăng rơkê, mâu ngế ki rơkê ƀă kuăn mơngế Việt Nam a kong têa ê.

VOV4.Xơ Đăng - Kơxo hâi lơ 22/8 a tíu pêi cheăng Xiâm Đảng, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa, Ngế pơkuâ hnê mơhno hneăng hôp má 4 Khu hnê mơhno mơgêi tơdroăng cheăng ‘na tơpui kâ ƀă mâu tơdroăng cheăng pêi tung tơdroăng hơ’lêh nếo tiô pơkâ troăng hơlâ Xah hô̆i chuh ngiah tung 40 hơnăm hdrối a Việt Nam.

VOV4.Xơ Đăng - Kơxo hâi lơ 22/8, Khu kăn Đảng ƀô̆ kong pơlê Gia Lai tơkŭm po hôp pơkâ tơbleăng pôa Trần Minh Sơn, Ngế cheăng Đảng kong pơlê, Kăn hnê ngăn Vi ƀan Măt trâ̆n tơnêi têa Việt Nam kong pơlê Gia Lai, vâ pôk tơ’nôm ăm ngế pêi tơdroăng cheăng tung Khu kăn Đảng kong pơlê hneăng 2020-2025.

VOV4.Xơ Đăng - Kơxê lơ 21/8, jâ Võ Thị Ánh Xuân, Kăn xiâm phŏ hnê ngăn tơnêi têa lăm pôu ƀă pêi cheăng ƀă mâu tíu cheăng Khu lêng gâk kring têa kơxĭ a đông lêng Cam Ranh, kong pơlê Khánh Hòa.

VOV4.Xơ Đăng Kơxê lơ 21/8, a Hà Nội, pôa Lương Cường, Ngế cheăng tung Khu xiâm kal kí, Kăn pơkuâ ngăn Đảng hiăng tơdah Khu kăn xiâm Khu Đảng ngăn Kuăn pơlê tơleăng lĕm Angola pơkuâ, xua pôa Manuel Domingos Augusto, Ngế cheăng tung Khu xiâm kal kí, Kăn pơkuâ nghăn Đảng Tơnêi têa Đảng pơkuâ tơpui kâ pơkuâ djâ.

VOV4.Xơ Đăng Hâi lơ 21/8, Vi ƀan Măt trâ̆n Tơnêi têa Việt Nam kong pơlê Dak Nông tơkŭm po Hneăng hôp Khu kăn rôh má 5, pơla hơnăm 2024 – 2029, ƀă inâi mơdêk hnoăng cheăng ki xiâm kal kí dêi măt trâ̆n Tơnêi têa Việt Nan; pêi pro tơniăn krê, thăm mơdêk ivá tơrŭm tâi tâng kuăn pơlê; hơ’lêh nếo mơdêk tơƀrê hnoăng cheăng măt trâ̆n, veăng gum mơjiâng Dak Nông kro mơdrŏng lĕm, rơkê.