VOV.Xơ Đăng - Khu xiâm kal kí rah xo pôa Lương Nguyễn Minh Triết, Ngế cheăng Tung tíu xiâm Đảng, Kăn pơkuâ hnê ngăn cheăng Đảng Pơlê kong kân Đà Nẵng pro Kăn pơkuâ hnê ngăn Tỉnh ủy Dak Lak hneăng 2025 – 2030 sap hâi lơ 15/10/2025.

VOV.Xơ Đăng - A cheăm Ia Boòng, (tơring Chư Prông ton nah), kong pơlê Gia Lai, kăn ƀô̆, mâu lêng Đô̆i K52 dế thâ tơrŭm ƀă mâu mố đô̆i ki tơdjâk troh po rơdâ tăng, tơkŭm kơxêng kiâ mố đô̆i ki hlâ rôh tơplâ nah.

VOV.Xơ Đăng - A Đà Nẵng, pôa Phạm Minh Chính - Ngế pro xiâm hnê ngăn Chin phuh veăng Leh tơbâ 80 hơnăm hâi mơjiâng khu lêng Kuân khu 5 hâi lơ (16/10/1945-16/10/2025) ƀă tơdah Mê dai Hồ Chí Minh.

VOV.Xơ Đăng - Pôa Phùng Đức Tiến, Phŏ ngế xiâm ngăn Chiâk deăng ƀă Hyôh kong prâi djâ troăng ahdrối tung pêi cheăng ƀă Vi ƀan kuăn pơlê kong pơlê Khánh Hoà ‘na mâu tơdroăng ối tơvâ tơvân ‘na tơnêi tíu, hyôh kong prâi ƀă pêi chiâk - pêt loăng kong- păn ká klêi kơ’nâi lối 3 khế pơkuâ pro hlá mơ-éa dêi mâu kăn kong pơlê péa râ.

VOV.Xơ Đăng - Pôa Tô Lâm - Kăn xiâm pơkuâ hnê ngăn Đảng pơkâ thế, Hà Nội thế ‘mâi mơnhông nếo môi tiah “Pơlê kong kân rơkê plĕng - tro tiô khôi túa lĕm - hriăn plĕng ki nếo vâ chiâng môi “pơlê kong xiâm rơkê plĕng - pêi cheăng tiô túa nếo - krá rơdêi” ƀă tuăn ngôa rơkê tiô túa nếo hlối tơxâng ƀă lâp plâi tơnêi.

VOV.Xơ Đăng - Klêi kơ’nâi séa ngăn, Khu pơkuâ Hnê hriâm ƀă Hnê mơjiâng kong pơlê Quảng Ngãi pơkâ thế Vi ƀan kong pơlê pơkâ rah xo 4 cheăm, mê cho Dục Nông, Mô Rai, Sa Loong, Rờ Kơi vâ mơ’no liăn 4 hngêi trung hriâm.

VOV.Xơ Đăng - Kơxê lơ 15/10, Chin phuh tơkŭm po roh hôp ‘na tơdroăng hriăn plĕng, séa ngăn tơdjêp 3 tơdroăng xiâm tơnêi têa: Mơjiâng thôn pơlê nếo, kơdroh kơtiê krá tơniăn, mơnhông cheăng kâ rêh ối pơlê pơla kơpong kuăn pơlê hdroâng kuăn ngo ƀă kong ngo.

VOV.Xơ Đăng - Pôa Tô Lâm, Kăn xiâm pơkuâ hnê ngăn Đảng tối troăng tơmiât pêi, tơdroăng pêi pro Tơdroăng pơkâ kơxô̆ 57 cho ivá ki xiâm vâ pêi pro châ tơƀrê mâu tơdroăng châ tơƀrê hluâ pơkâ ton xŏn, pơhlêh troăng pêi mơnhông tơnêi têa, mơnhên troăng pêi tơtêk nếo dêi tơnêi têa.

VOV.Xơ Đăng - Kơxo hâi lơ 15/10, pôa Phạm Minh Chính - Ngế pro xiâm hnê ngăn tơnêi têa veăng hôp ƀă tối tơbleăng hnê mơhno a  rôh hôp mâu Kăn Đảng ƀô̆ kong pơlê Thanh Hóa rôh má 20, hneăng 2025-2030.

VOV.Xơ Đăng - Kơxo lơ 15/10, pôa Lương Cường, Kăn xiâm hnê ngăn tơnêi têa pêi cheăng ƀă mâu kơ koan ki ai tơdjâk troh ‘na cheăng hbrâ rơnáu ăm leh kĭ tơkêa dêi Khu lâp kong têa ‘na plâ mơdât mâu ngế xôi ing măng.