VOV.Xơ Đăng - Klăng leh tơbâ 101 hơnăm Hâi Hlá tơbeăng Kăch măng Việt Nam, kơxê lơ 14/6, a Hngêi Kuô̆k hô̆i, pôa Lê Minh Hưng, Ngế pro xiâm hnê ngăn Chin phuh ƀă pôa Trần Thanh Mẫn, Kăn xiâm hnê ngăn Kuô̆k hô̆i rơtế pơkuâ trâm mâ kăn pơkuâ mâu kơ koan chêh hlá tơbeăng.

VOV.Xơ Đăng - Tung pơla tơrŭm pơla mâu kơpong, kong kế, tơnêi tíu rế hiá rế châ pêi pro ó rơdêi, mâu kong pơlê a Tây Nguyên ƀă kong tơbăng achê têa kơxĭ pa hdroh Tơdế Tơnêi têa dế po rơdâ tơrŭm cheăng, pêi mơjiâng ai pơxúa khât xua ing hnoăng tơveăng gum “kong kế ngiât ƀă têa kơxĭ drêh” vâ mơjiâng gok gâ mâu tơmeăm khoăng ăm kơvâ ôm hyô tơrŭm tơrôa pơla kơpong ki rơkê tơtro. Ing mâu hnoăng cheăng tơrŭm tíu ki vâ lăm troh, mơhnhôk tơdjâ veăng mơ’no liăn troh a tơdroăng mơjiâng mâu troăng prôk troh a tíu ôm hyô nếo, tơdroăng ki tơrŭm pơla kong kế ƀă têa kơxĭ, ti xê to chiâng ivá ki tơ’mot kơdrâm kơdrĕng kuăn mơngế, tơmối, mê ối po mơjiâng kơpong, tơnêi tíu ki vâ mơnhông tơtêk hên tâ nếo.

VOV.Xơ Đăng - Kơxê hâi lơ 11/10, a Hà Nội, Tíu pêi cheăng tăng ‘nâi plĕng, kum cheăng ăm Khu kăn xiâm tơkŭm po hôp tối mơgêi tâi tâng tơdroăng cheăng dêi Khu hnê mơhno ‘mâi pơ’lêh Luât Tíu xiâm sap mơjiâng troh nôkố ƀă khên kơdeăn mâu khu pú hên, mơngế ki ai hnoăng pêi cheăng kơhnâ rơkê tung tơdroăng ‘mâi hơ’lêh luât.

VOV.Xơ Đăng - Kơxê hâi lơ 11/6, Khu kăn Đảng kong pơlê Khánh Hòa tơkŭm po hôp tơbleăng mâu hlá mơ-éa chêh pơkâ tơdroăng ‘na kăn ƀô̆, pôa Tạ Hồng Quang pro Ngế cheăng tung khu kăn Đảng kong pơlê, Kăn hnê ngăn Đảng ủi, Kăn hnê ngăn Kuăn pơlê bêng Nha Trang châ rah xo, pro Ngế xiâm pơkuâ Khu pêi cheăng tăng ‘nâi plĕng, kum cheăng ăm Khu kăn Đảng kong pơlê Khánh Hòa.

VOV.Xơ Đăng – Dak Lak khŏm mơ-eăm châ mot tung top 15 kong pơlê, pơlê kong kân ‘na pơhlêh nếo, tơmiêt pêi rơkê.

VOV.Xơ Đăng – Kơxê hnah, lơ 11/6, a Hà Nội, pôa Lê Minh Hưng, Ngế pro xiâm hnê ngăn Chin phuh pêi cheăng ƀă Khu pơkuâ tơdroăng cheăng Đảng Pơlê kong kân Hà Nội ‘na tơdroăng pêi pro hnoăng cheăng mơnhông mơdêk cheăng kâ – rêh ối pơlê pơla, pơkâ tơtêk ‘’2 kơxô̆’’.

VOV.Xơ Đăng - Klêi môi hơnăm pêi pro tơdroăng “Hnê kuăn pơlê xúa kŏng ngê̆”, kong pơlê Lâm Đồng hiăng châ mơnhên hên tơdroăng ki châ tơƀrê tung mơdêk hlê plĕng ƀă tơdroăng ki xúa kŏng ngê̆ ăm kuăn pơlê, gum mơdêk pơhlêh xúa kŏng ngê̆ tâi tâng.

VOV.Xơ Đăng - Hâi lơ 11/6, a Hà Nội, Khu xiâm kal kí, Khu kăn tíu xiâm Đảng tơkŭm po Hôp tâi tâng tung lâp tơnêi têa tăng ‘nâi plĕng, hriâm tâp, hnê ƀă tơbleăng pêi tiô hlá mơ-éa chêh troăng hơlâ luât pơkâ xô̆ 06 dêi khu xiâm Kal kí ‘na tơbleăng troăng hơlâ tơpui kâ Hneăng Hôp má 14 dêi Đảng.

VOV.Xơ Đăng - Pôa Phạm Mạnh Hùng, Ngế chêh hlá tơbeăng pơtối châ rah xo pro Kăn hnê ngăn Mâu Chi hô̆i tung khu chêh Hlá tơbeăng Rơ‘jiu xiâm Việt Nam hneăng hơnăm 2026-2031.

VOV.Xơ Đăng - Kong pơlê Gia Lai dế thâ tơbleăng pêi “Lăm prôk 500 hâi măng mơdêk tăng chiâ rôu, tơkŭm ƀă mơnhên inâi mơngế a kơxêng kiâ mâu ngế hlâ ai hnoăng”, ƀă tơdroăng pơkâ lăm tăng, tơkŭm ‘mẾ 390 kơxêng kiâ mâu ngế ki hlâ xo khăm ngăn ADN ƀă vâ chê 12.000 tơnâp kiâ mâu ngế hlâ ai hnoăng ki hâi ‘nâi nhên inâi mâu tơdroăng.