Pôa Tô Lâm, Kăn xiâm hnê ngăn tơnêi têa mơnhên Việt Nam đi đo nhuô̆m ƀă kơjo má môi ăm tơdroăng pro krá chân, mơnhông tơrŭm cheăng ƀă Lếo, môi tuăn ó rơdêi, tâi tâng tơdroăng pơhlêh nếo dêi Lếo.

Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ thế péa Đảng, péa Tơnêi têa kal pơtối tơrŭm krá tơniăn, pêi pro inhên ƀă pêi pro po rơdâ châ tơƀrê mâu tơdroăng môi tuăn khu râ kăn xiâm, tơkŭm mơdêk châ tơƀrê tơrŭm cheăng ton xŏn, cheăng kâ - tê mơdró ƀă mâu tơdroăng pêi, tơdroăng tơkêa bro, tơmeăm inhên ing tơdroăng ki xiâm rơdêi, tơdroăng kal vâ rêm tơnêi têa, tơxâng râ tơrŭm cheăng kal kí ƀă tơmeăm ki ai hlâu péa tơnêi têa, vâ péa tơnêi têa rơtế mơnhông mơdêk.

Péa Kuô̆k hô̆i kô pơtối thăm tơpui tơno, tối ‘na túa ki rơkê tơtro, mơdêk châ tơƀrê pêi pro tơdroăng cheăng, hnoăng cheăng ƀă hnoăng chiâng pêi tiô pơkâ dêi rêm tơnêi têa; tơrŭm krá ƀă mâu kơ koan ki tơdjâk vâ tơniăn mâu troăng hơlâ, môi tuăn tơrŭm pơla péa Đảng, péa Tơnêi têa châ pêi pro inhên ƀă po rơdâ pêi pro châ tơƀrê.