Kố cho tơdroăng ki kal châ tối rơdêi a rôh hôp mơnhên tối tơdroăng cheăng kâ rêh ối pơlê pơla khế 10 ƀă 10 khế hơnăm 2026 nếo châ Vi ƀan hnê ngăn kong pơlê Dak Lak tơkŭm po. Tung 10 khế, tâi tâng kơxô̆ liăn châ xo ing ôm hyô dêi kong pơlê châ lối 17.800 rơtal liăn, luâ túa pơcháu plâ hơnăm. Kong pơlê hiăng tơkŭm tŏng gum lối 280 tơdroăng tơkêa bro ki hrá, châ vâ chê 71%. Laga, nâp liăn nếo bu châ 14.320 rơtal liăn, kơdroh dâng 390 rơtal liăn.

Kăn hnê ngăn Vi ƀan kong pơlê Dak Lak pơkâ thế mâu khu râ, kơvâ cheăng, kong pơlê séa ngăn rem tơdroăng tơkêa, tơmeăm pro tiô măng tĭng, pơtroh kơxô̆ liăn sap ing mâu tơdroăng tơkêa bro ôh tá ai ivá vâ ‘no liăn pro chiâng mâu tơdroăng tơkêa bro ki ai ivá vâ tơbleăng pro, khŏm mơ-eăm pôi tá ăm mâu hnoăng cheăng ối kal dêi khế 10 gô̆m troh khế 12.