VOV.Xơ Đăng - Kơxo lơ 24/2, a Tíu pêi cheăng Xiâm Đảng, pôa Tô Lâm, Kăn xiâm pơkuâ hnê ngăn Đảng pơkuâ Roh hôp Khu pơkuâ hnê ngăn cheăng Đảng tơpui ‘na tơbleăng mâu tơdroăng ki má môi po rơdâ pêi pro Tơdroăng pơkâ 55 dêi Khu râ kăn pơkuâ hnê ngăn Đảng ‘na tơdroăng tơkŭm po têt Bính Ngọ 2026.

VOV.Xơ Đăng - Kơxo lơ 24/4, pôa Trần Thanh Mẫn, Kăn xiâm hnê ngăn Kuô̆k hô̆i lăm pôu ƀă pêi cheăng ƀă Vi ƀan dêi Kuô̆k hô̆i.

VOV.Xơ Đăng - Kơxo lơ 24/2, khu ki pêi dêi hnoăng cheăng Khu pơkuâ ngăn Đảng Dak Lak xua pôa Lương Nguyễn Minh Triết, Kăn pơkuâ hnê ngăn cheăng Đảng pro ngế xiâm pơkuâ djâ khu kăn kố hiăng troh pôu, rơkâu Têt kŏng nhân a công trường pro mâu Hngêi trung Phôh thong ai tíu kâ koi ối pơtê péa râ kơpong tơkăng kong.

VOV.Xơ Đăng - Tung tơdroăng hơniâp ro, phiu niu mâu hâi apoăng hơnăm nếo Bính Ngọ, kơxo lơ 24/2, a tíu pêi cheăng Kăn xiâm hnê ngăn tơnêi têa, pôa Lương Cường, Kăn xiâm hnê ngăn tơnêi têa hiăng trâm mâ, rơkâu têt tâi tâng kăn ƀô̆, kong chưk, ngế pêi cheăng Ƀơrô cheăng Kăn xiâm hnê ngăn tơnêi têa.

VOV.Xơ Đăng - Kơxê hâi lơ 23/2, a Hà Nội, pôa Phạm Minh Chính, Ngế pro xiâm hnê ngăn Chin phuh lăm pôu, pêi cheăng ƀă Khu xiâm ngăn túa lĕm tro, Tơ’noăng Ivá ƀă Ôm hyô ‘na tơbleăng tơdroăng Pơkâ hneăng hôp kân rôh má 14 dêi Đảng tung kơvâ mơhno túa lĕm tro, tơbleăng pơkâ kơxô̆ 08 dêi Khu xiâm Kal kí ‘na mơnhông Túa lĕm tro Việt Nam.

VOV.Xơ Đăng - Hâi lơ 23/2, Vi ƀan kuăn pơlê dêi kong pơlê Quảng Ngãi  tơkŭm hôp tơpui tơno apoăng hơnăm, tối mâu tơdroăng hdrối, tung pơla têt ƀă klêi kơ’nâi Têt Bính Ngọ 2026 tung kong pơlê Quảng Ngãi.

VOV.Xơ Đăng - Vi ƀan kuăn pơlê dêi kong pơlê Gia Lai nếo kĭ mâu troăng hơlâ vâ mơdêk ivá pêi cheăng mơ’no tah têa lu ƀă mơhno tơdroăng mơ’no liăn vâ pêi cheăng pro troăng cho mơ’no têa pá hdroh kroăng Hà Thanh pơla hơnăm 2026-20230, ƀă tâi tâng kơxô̆ liăn kô châ lối 2.675 rơtal liăn.

VOV.Xơ Đăng - Rôh apoăng hơnăm nếo ƀă veăng ai mâ a leh tơbleăng ‘Têt pêt loăng plâ rơxông chôu pâ Pôa Hồ”, kơxo lơ 23/2 (cho hâi má 7 têt Bính Ngọ), pôa Lương Cường, Kăn xiâm hnê ngăn tơnêi têa ƀă khu kăn ki pêi dêi hnoăng cheăng Tơnêi têa hiăng troh rơkâu têt Đảng ƀô̆, kăn pơkuâ, kuăn pơlê kong pơlê Lào Cai.

VOV.Xơ Đăng - Pêi pro tiô hneăng mơhnhôk tâ phĭu pôk kăn xiâm Kuô̆k hô̆i hneăng 15 ƀă kăn teăng mâ Hô̆i đong hnê ngăn rêm râ hneăng hơnăm 2026-2031, kong pơlê Lâm Đồng dế tơkŭm pơkuâ ngăn, tơdjâ, pơkâ pêi pro tŭm têk, tơdrêng mâu hnoăng cheăng tro tiô pơkâ dêi luât xiâm ƀă tơdroăng ki hiăng mơ’no athế pêi pro. Vâ hâi tâ phĭu pôk xo kăn xiâm Kuô̆k hô̆i ƀă mâu kăn Hô̆i đong hnê ngăn rêm râ a hâi lơ 15/3 la ngiâ châ po tơniăn lĕm, tro tiô tuăn kuăn pơlê pói rơhêng vâ păng ‘nâng cho roh ki pêi pro tiô hnoăng cheăng kal kí trâu rơdâ, mê ““Koh hâk hâi sôk phiu lâp tơnêi têa” a kong pơlê kố, hnoăng cheăng hnê mơhnhôk ‘na cheăng kal kí ki kal kố dêi tơnêi têa, mê kong pơlê Lâm Đồng dế thăm mơdêk tơdjâ tơrŭm môi tuăn, vâ môi i hiâm môi mơno tung Kuăn pơlê.

VOV.Xơ Đăng - Kơxo lơ 23/2, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh hiăng trâm mâ apoăng hơnăm ƀă kăn ƀô̆, kŏng chưk, viên chưk, mơngế pêi cheăng Ƀơrô Chin phuh, tơdrêng amê pêi pro hnoăng cheăng xiâm sap ing hâi pêi cheăng apoăng klêi kơ’nâi roh pơtê Têt.