VOV.Xơ Đăng - Kơxê lơ 13/4, pôa Lê Minh Hưng, Ngế pro xiâm hnê ngăn tơnêi têa pơkuâ roh hôp dêi Khu hnê mơhno Chin phuh ‘na troăng pêi, tơdroăng pêi pro pơhlêh, kơdroh pro mơ-éa cheăng kâ rêh ối ƀă tơnêi, tơdroăng tê mơdró, kơdroh kơvâ tê mơdró ki ai pơkâ, xing xoăng râ pro mơ-éa cheăng kâ rêh ối ƀă tơnêi têa tiô Mơgêi kơxô̆ 18-KL/TW dêi Tơnêi têa.

VOV.Xơ Đăng - Kơxê lơ 13/4, a Hà Nội, pôa Robert Fico, Ngế pro xiâm hnê ngăn Kŏng hòa Slovakia prế pôa Lê Minh Hưng, Ngế pro xiâm hnê ngăn Chin phuh tơnêi têa pin veăng hôp a Rôh hôp khu mơdró kâ Việt Nam – Slovakia.

VOV.Xơ Đăng - Vi ƀan hnê ngăn kong pơlê Lâm Đồng nếo tơkŭm po rôh hôp mơnhên tối tơdroăng cheăng kâ rêh ối pơlê pơla sap ing khế 1 troh khế 3/2026 ƀă mơ’no troăng hơlâ lêi tah xơpá, thăm mơnhông cheăng kâ tung la ngiâ.

VOV.Xơ Đăng - Kơxo hâi lơ 13/4, a tíu pêi cheăng Kăn xiâm hnê ngăn Tơnêi têa, pôa Lê Minh Hưng, Ngế pro xiâm hnê ngăn tơnêi têa hiăng pơkuâ leh tơdah pôa Robert Fico, Ngế pro xiâm hnê ngăn kong têa Slovakia.

VOV.Xơ Đăng - Tơpui hnê mơhno a rôh hôp, pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa tối nhên túa tơmiât pêi, pơkâ thế mơ’no pêi klêi kơ’nâi hneăng hôp rôh kố cho ‘nâi nhên, tơkŭm tơbleăng pêi tiô túa ki kơtăng, tơdâng tơ’mô, tơƀrê, pro chiâng pơhlêh nhên tâ tung tâi tâng khu pơkuâ tơdroăng cheăng kal kí.

VOV.Xơ Đăng - Châ ai ƀăng tơnêi chiâk deăng, mơdâ pêt, rak ngăn plâi sầu riêng kân má môi dêi lâp tơnêi têa, laga, Dak Lak xuân ối trâm tơdroăng “kreăng” ki kân xua hên ƀăng tơnêi, ƀăng chiâk deăng ki pêt hdrê loăng ki kố ta hâi chiâng hbru ăm mah kơxô̆, pro hên plâi tá hâi châ tê mơdró tiô pơkâ kơlo ki xiâm, ing mê, khoh pro kơdroh ki kơnâ dêi kơvâ pêt plâi sầu riêng. Tung pơla mê, tơdroăng mơjiâng ƀă pơkâ pêi pro mâu tơdroăng kố vêh mơnhên xiâm kối dêi kế tơmeăm pêi mơjiâng hiăng môi tuăn lâp tơnêi têa púi tơngah kân kô mơjiâng hvêa chêng prôk ki xiâm, gum pơkuâ ngăn tơdrăng khât, tí tăng mơnhên ki dâi lĕm khât tung pêi chiâk pêi deăng, po troăng hơlâ ăm plâi sầu riêng Dak Lak thăm mơdêk ivá ki vâ tơbriât tê.

VOV.Xơ Đăng - Hâi lơ 12/4, a Thái Nguyên, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa, Kăn pơkuâ hnê ngăn cheăng Đảng Kuân ủi Tơnêi têa veăng ƀă diâp inâi Ngế khên tơnôu khu lêng kuăn pơlê diâp ăm Kuân khu 1 (Khu xiâm pơkuâ lêng).

VOV.Xơ Đăng - Hâi lơ 12/4, a kong pơlê Quảng Ninh, Vi ƀan kuăn pơlê kong pơlê Quảng Ninh tơrŭm ƀă Vi ƀan mâu kong pơlê, pơlê kong kân Hà Nội, Hải Phòng, Bắc Ninh pơxiâm pêi pro troăng kân rơxế lơtreng kơtâu têi Hà Nội – Quảng Ninh. Pôa Lê Minh Hưng, Ngế pro xiâm hnê Chin phuh veăng Lêh pơxiâm mơjiâng pro.

VOV.Xơ Đăng - Kơxê lơ 12/4, a kơpong cheăng kâ tê mơdró Phú Quý, Vi ƀan kong pơlê Lâm Đồng tơkŭm po hôp pêi pro troăng prôk la ngiâ mơnhông kơpong cheăng kâ tê mơdró, tơkŭm kơnó mâu ‘’tíu kreăng’’ ‘na hngêi trăng, tơmeăm khoăng vâ mơjiâng tơdroăng ki tơtêk krá tơniăn.

VOV.Xơ Đăng - Ƀă hnoăng cheăng ki tê mơdró kâ châ dâng 3.000 rơtal liăn rêm hơnăm ăm tơdroăng ki mơ’no tê ká xixŏng ki tơnăng ing têa kơxĭ, tung mê, ká ngừ đại dương tung kơpong pêa mâ hâi Lo kong pơlê Dak Lak (kong pơlê Phú Yên hdrối nah) châ ngăn cho kơvâ cheăng kâ ki kal, hiăng ƀă dế veăng gum pơtối rak vế tơdroăng pêi lo liăn ngân ƀă kong têa ê krá tơniăn ăm kong pơlê ƀă mơjiâng chiâng ki châ tơkâ liăn ngân ăm khu mơdró kâ ƀă khu kuăn pơlê ki tơnăng ká xixŏng.