VOV.Xơ Đăng - Kuô̆k hô̆i hneăng má XVI rah xo pôa Lê Minh Hưng – Kăn cheăng tung Khu xiâm kal kí, Kăn pơkuâ hnê ngăn cheăng Đảng tơnêi têa, Kăn pơkuâ Khu tơkŭm po tơdroăng cheăng Tơnêi têa to pro Ngế pro xiâm hnê ngăn Chin phuh, hneăng hơnăm 2026 – 2031.

VOV.Xơ Đăng - Kuô̆k hô̆i pôk pôa Tô Lâm, Kăn xiâm pơkuâ hnê ngăn Đảng pro Kăn xiâm hnê ngăn Tơnêi têa.

VOV.Xơ Đăng - Kăn xiâm pơkuâ hnê ngăn cheăng Đảng loi tiah kố, Kuô̆k hô̆i hneăng XVI mơni kô pêi pro klêi rơkê hnoăng cheăng ki Đảng, Tơnêi têa ƀă Kuăn pơlê pơcháu; veăng gum rơtế ƀă tâi tâng Đảng, tâi tâng kuăn pơlê, tâi tâng lêng pêi pro pơhlêh rơhêng vâ mơjiâng môi Việt Nam hơniâp lĕm, tơniăn krê, kro mơdrŏng, rơkê plĕng, hơniâp ro, rá rơdêi prôk troh chuh nghiah xah hô̆i.

VOV.Xơ Đăng - Pôa Trần Thanh Mẫn, Kăn xiâm hnê ngăn Kuô̆k hô̆i hneăng má XVI hiăng châ Kuô̆k hô̆i pơtối rak Kăn xiâm hnê ngăn Kuô̆k hô̆i hneăng má XVI.

VOV.Xơ Đăng - Khu hnê mơhno rak vế pêi pro ki xiâm pêi lo kế tơmeăm liăn nguân khŏm châ 2 to kơxô̆ pơla ing hơneăng hơnăm 2026-2030 dêi Khu kăn pơkuâ hnê ngăn Đảng kong pơlê Dak Lak nếo châ mơjiâng ƀă hnối po roh hop ki apoăng. Roh hop tơkŭm tơno troăng hơlâ pơkuâ ngăn tiô tơrêm kơvâ cheăng, tơrêm 3 khế, pơkâ hnoăng cheăng pôu râng tơrêm tơdroăng tơkêa bro ki nhên; tơdrêng amê, thăm mơdêk ‘mâi pơhlêh túa cheăng chêh bro hlá mơ-eá ki nhên tơtrro khât, mơjiâng pro “troăng pêi ki nhên khât” ăm tơdroăng tơkêa bro ki châ kơjo gum ƀă pâ thế lêi tah lôi mâu tơdroăng ki tơvâ tơvân tiô troăng hơlâ, pơcháu hnoăng cheăng tơdrêng cho vâ thăm mơdêk tơdroăng ki mơ’no cheăng tơtro tiô tơdroăng ki pêi lo liăn ngân, ing mê prôk troh a tơdroăng ki mơnhên khŏm châ pêi lo rêm hơnăm châ ing 11 troh 11,5%.

VOV.Xơ Đăng - Vi ƀan kong pơlê Gia Lai hôp Khu hnê mơhno pơkuâ, hnê mơhno ƀă pro tơniăn yă vâ pêi pro mâu troăng pơkuâ kơchơ mơdró tung pơla mâu tơmeăm ki kal xúa rêm hâi ai pơhlêh rơdêi.

VOV.Xơ Đăng - Klăng roh Têt tiô khôi vâi krâ nah Bunpimay hơnăm 2026 dêi Kuăn pơlê mâu hdroâng mơngế Lếo, hâi lơ 5/4, Khu râ kăn pêi cheăng dêi Khu xiâm pơkuâ Lêng pơlê kong kân Đà Nẵng troh lăm pôu, diâp kơxuô tơmeăm, khăm pơlât ƀă xing xoăng pơkeăng tê kơtê ăm Kuăn pơlê tơring Đắc Chưng, kong pơlê Sekong, tơnêi têa Kŏng hoa Yân chuh Nhân yân Lếo.

VOV.Xơ Đăng - Hâi lơ 6/4/2026, Roh hôp má Môi, Kuô̆k hô̆i tơnêi têa Kŏng hoa xah hô̆i chuh ngiah Việt Nam hneăng má XVI pơxiâm po kân krip a Hngêi Kuô̆k hô̆i, Pơlê kong xiâm Hà Nội.

VOV.Xơ Đăng - Kơxê hâi lơ 5/4, a tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa hiăng tơdah pôa Hà Vĩ kăn teăng mâ Sinuâ a Việt Nam.

VOV.Xơ Đăng - Hơnăm Ôm hyô tơnêi têa 2026 xua Gia Lai pro xiâm dế pơtối mơjiâng ivá ki mơngun, tơ’mot ó rơdêi, tơ’mot kơdrâm kơdrĕng tơmối tung tơnêi têa ƀă kong têa ê. Ki hơniâp ro dêi leh mơdĭng mê xuân ối rak vế hơniâp ro khât a hên tíu ôm hyô, ƀă mâu tơmối ki mot ôm hyô mê tâk hên tung mâu hâi apoăng klêi kơ’nâi po tơdroăng kố, ing mê, po mơjiâng túa tơ-eăng bâ ki nếo ăm kơvâ ôm hyô dêi kong pơlê.