Tơpui a rôh hôp, pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa tối nhên hnoăng cheăng xiâm dêi túa lĕm tro, tối nhên kố cho tơdroăng ki krá rơdêi dêi pơlê pơla, cho pơkâ pêi ƀă ivá cheăng ki kal vâ mơnhông tơnêi têa krá tơniăn; Pơkâ thế Khu hnê mơhno kal pơtối khôi túa ó rơdêi mâu pơkâ dêi Đảng, malối cho rơkong tơpui mơgêi dêi pôa Nguyễn Phú Trọng, Kăn xiâm pơkuâ hnê ngăn cheăng Đảng hneăng hdrối a Rôh hôp Túa lĕm tro lâp tơnêi hơnăm 2021.

Pôa pơchân tơdroăng ki chêh pro ki kơnía ‘na kuăn mơngế Việt Nam chal nếo athế tro ƀă rak vế khôi túa lĕm tro hdrông kuăn ngo ƀă pơtối ki lĕm tro kuăn mơngế. Tơdrêng amê, kal tơkŭm chêh pro troăng hơlâ tŏng gum, troăng hơlâ, mơhnhôk tơlo mâu ivá pêi cheăng ing pơlê pơla vâ ‘no liăn pêi cheăng ăm túa lĕm tro, ăm túa lĕm tro mot trâu hngế tung mâu kơvâ cheăng dêi tơdroăng rêh ối, pro ivá rơdêi pêi pro ƀlêi trâng mâu pơkâ mơnhông tơnêi têa.