6 khế apoăng hơnăm 2026, mâu lêng Kong an, Mâu lêng ƀă Mố đô̆i gak tơkăng kong Dak Lak hiăng hbrâ tơrŭm ƀă ‘nâi nhên tơdroăng, tơpui tơno, mơnhên tơdroăng, tăng ‘nâi plĕng tơdroăng ăm râ ủi, mâu kăn teăm hnê tối, pơxâu phâk tơdrêng mâu ki xôi ‘na tơdroăng kal kí, rak tơniăn pơlê pơla, tíu tơkăng kong; tơbleăng tơdrêng mâu tơdroăng kring vế tơniăn rêm roh po hôp kan ki kal.

Tối mơgêi rôh séa ngăn, Thiê̆u tươ̆ng Cao Đăng Hưng, Phŏ Ƀơrô Khu xiâm Kong an khĕn kơdeăn tơdroăng hiăng tơrŭm pêi dêi pái khu lêng; pơkâ thế pơtối tơmâng pêi khât tâ nếo, pêi kơtăng tro tiô hlá mơ-éa chêh troăng hơlâ luât pơkâ kơxô̆ 03, hbrâ tăng ‘nâi nhên tối hdrối ing apoăng, ing hơngế, mơdêk tơbrê tơrŭm cheăng teăm tơdrêng tăng ‘nâi mâu tơdroăng tơleăng mơnhên, pôi tá ăm kơdrâ.