Hlá mơ-éa chêh tơdroăng tơkêa ‘nâi nhên mơnhông cheăng kâ tung internet, cheăng kâ tung măng cho tơdroăng cheăng mơdêk pêi châ tâk nếo, veăng mơnhông ki tâk ‘na cheăng kâ dêi kong pơlê Dak Lak riân rêm ngế sap 11%/hơnăm tơngi klêng. Troh hơnăm 2030, cheăng kâ tung măng kơdo mơ-eăm veăng ‘no ki iâ 30% ki tâk ‘na cheăng ƀă troh hơnăm 2045 chiâng troăng cheăng mơnhông tơbrê.

Pơla hơnăm 2026-2030, kong pơlê Dak Lak kố tơbleăng pêi 20 tơdroăng, ki apoăng tâi tâng kơxô̆ liăn kal vâ pêi lối 3.400 rơtal liăn vâ mơnhông tơmeăm khoăng ki chêh ‘măn tung măng, chêh ‘măn tung kơmăi, mơngế pêi cheăng tung măng ƀă mơdêk pơ’lêh cheăng tung mâu tơdroăng cheăng kâ ki kal.