Lâp kong pơlê Lâm Đồng nôkố ai 12 Ilâng kiâ Mô đô̆i, tung mê 11 ilâng kiâ mô đô̆i ối tung tíu ki vâ xo tơmeăm ki u ối tung tơnâp ƀă tâi tâng kơxô̆ 4.776 tơnâp kiâ. Troh nôkố, tơdroăng xo tơmeăm  hiăng kêi đeăng tâi tâng a 9 ilâng kiâ mô đô̆i, ai 6 ilâng kiâ mô đô̆i tung kong pơlê Dak Nông (ton), 2 ilâng kiâ mô đô̆i ối tung kong pơlê Lâm Đồng (ton) ƀă 1 Ilâng kiâ Mô đô̆i a cheăm Đức Linh, kong pơlê Bình Thuận (ton).

Nôkố mâu khu cheăng dế tơkŭm xo tơmeăm a Ilâng Kiâ Mô đô̆i Đà Lạt, tíu pơtê hlông hlối dêi lối 2.200 mô đô̆i hlâ tung tơplâ xâ, tung mê ai 615 tơnâp kiâ mô đô̆i ối khu kal xo túa tơmeăm gum tơdroăng mơnhên ADN. Kơ’nâi mê, mâu tíu cheăng pơhlêh pêi pro a Ilâng kiâ Mô đô̆i kong pơlê Bình Thuận ton ƀă 3.431 tơnâp kiâ kal xo túa, tơmeăm.