A Tíu xiâm Pơlât ngăn mâu lêng rong râ châi tamo Nghệ An, pôa Trần Cẩm Tú hiăng pôu kơ-êng hlối hbru tơmeăm ăm 83 ngế lêng rong râ châi tamo; 18 on veăng ‘nâ nhŏng o xiâm mơngế hlâ ai hnoăng tơnêi têa dêi 2 kong pơlê Nghệ An ƀă Hà Tĩnh. Teăng mâ Kăn xiâm pơkuâ hnê ngăn Đảng, Tơnêi têa, pôa Trần Cẩm Tú pơtroh rơkong kơ-êng hơlêm, tơbâ trâu rơdâ mâu tơdroăng tuăn pâ má môi troh mâu ngế lêng rong râ hlâ ai hnoăng, nhŏng o xiâm mơngế ai hnoăng dế châ rak ngăn, păn roăng, pơlât akố.

A Hà Tĩnh, pôa Trần Cẩm Tú ƀă mâu kăn lăm pêi cheăng hiăng troh têk nhang pleăng reăng a tíu tơbâ 3 hơlâ troăng Đồng Lộc, tíu môi chât ngế kơdrâi pleăng hnoăng tơná lăm tơpơlâ dêi Tiểu đội 4, Đại độ 552 hiăng hlâ rôh xâ kơ’nêh ƀom ó. Vâi hiăng hlâ drêng dế ối droh, hiăng chêh môi tơdroăng rơhdruê ôh tá kâi piu troh ta ah dêi hdrông mơngế.