VOV.Xơ Đăng - Tơdroăng mơjiâng pro 7 toăng hngêi trung phôh thong ai tíu kâ ối pơtê pơtối péa khu râ a mâu cheăm tơkăng kong peăng mâ hâ Lu kong pơlê Gia Lai xuân dế hrá klêi tâng vâ pơchông ƀă tơdroăng pơkâ.

VOV.Xơ Đăng - Sap hâi kố lơ 18/5, lâp troăng kân ăm phêp rơxế kơtâu têi Chí Thạnh – Vân Phong hluâ kong pơlê Dak Lak păng ‘nâng djâ xúa, gum pro kêi đeăng troăng klông tơdjêp kơpong Tây Nguyên ƀă kơpong tơbăng peăng Hdroh peăng tơdế Tơnêi têa.

VOV.Xơ Đăng - Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối rơdêi, mot tung chal nếo, pơkâ mơnhông rơdêi ƀă krá tơniăn dêi tơnêi têa pơkâ thế Đăi hok Quốc gia Hà Nội thế mơ-eăm ƀă mơnhông ó rơdêi, tơxâng ƀă hnoăng cheăng dêi đăi hok quốc gia ối má môi.

VOV.Xơ Đăng –  Klêi 1 hơnăm pêi pro troăng pêi cheăng khu râ kăn pơkuâ 2 râ, kong pơlê Lâm Đồng hiăng pêi pro xiâm rêi kŏng ngê̆ tơdjuôm, tơdjêp ‘noăng chư chêh ing kong pơlê troh 124 cheăm, bêng, kơpong cheăng kâ, gum kơdroh mơ-éa, kơdroh hâi khế pro mơ-éa rêh ối cheăng kâ ƀă tơnêi têa.

VOV.Xơ Đăng –  Kơxê lơ 14/5, pôa Lê Minh Hưng, Ngế pro xiâm hnê ngăn tơnêi têa veăng Leh tơdah inâi khên tơnôu khu lêng kuăn pơlê dêi Kŏng an pơlê kong kân Hải Phòng.

VOV.Xơ Đăng - Drêng troh tơbâ 85 hơnăm Hâi mơ jiâng Đội Thiếu niên Tiền phong Hồ Chí Minh (15/5), kơxê 14/05, a tíu pêi cheăng Kăn xiâm hnê ngăn tơnêi têa, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng trâm mâ 85 ngế đội viên kơhnâ rơkê teăng mâ mâu khu vâi o tung lâp tơnêi têa.

VOV.Xơ Đăng - Kong pơlê Dak Lak dế tơbleăng pro 3 to hngêi trung ai tíu kâ koi ôi pơtê pơtối râ a mâu cheăm tíu tơkăng kong tiô troăng hơlâ dêi Khu xiâm kal kí, tiô tối hdrối kô pro klêi a khế 8/2026.

VOV.Xơ Đăng - Ki vâ tối, kong pơlê Khánh Hòa hiăng tơbleăng troăng hơlâ tơbleăng tơdroăng tơkêa bro troăng kân tơdrăng Nha Trang - Đà Lạt tiô troăng hơlâ tơrŭm cheăng ƀă PPP.

VOV.Xơ Đăng - Kơtăn kố klăng 48 hơnăm, Trung đoân 146 – ngế ki apoăng dêi Lưh đoàn 146 (Đoân Trường Sa), Kơpong 4 Lêng tuk, châ mơjiâng, djâ vế tơdroăng ki kal cho rak vế hnoăng pơkuâ chuăn têa kơxĭ Trường Sa dêi Tơnêi têa. Sap ing mâu hâi ki apoăng ối trâm hên xơpá, ối kal hên tơmeăm xúa a têa kơxĭ, mâu kăn ƀô̆, lêng Lưh đoân 146 hiăng mơ-eăm cheăng, tơkâ luâ mâu xơpá, mơjiâng tơdroăng rak vế krá tơniăn tíu cheăng ki pá puât. 48 hơnăm mơjiâng, tơplâ ƀă mơnhông xuân cho 48 hơnăm mâu rơxông kăn ƀô̆, lêng Đoân Trường Sa pơtối rak vế têa kơxĭ, mơ’no têa kơxô, mơ’no hiâm mơno kơdo mơ-eăm, pôu râng dêi hnoăng ƀă tá mâu tơdroăng ki pleăng dêi ivá tơná.

VOV.Xơ Đăng -  A roh pêi cheăng ƀă Vi ƀan kong pơlê Lâm Đồng, Kŏng ti xiâm Mơ’no on tơhrik 1 (EVNGENCO1) pơkâ mơ’no liăn 3 tơdroăng tơkêa bro on tơhrik kơtâu ƀă mâ hâi đông pêng mâu long têa hngêi kơmăi on tơhrik a Lâm Đồng ƀă tâi tâng ivá vâ chê 270 MW, tâi tâng kơlo liăn mơ’no dâng 4.400 rơtal liăn.