Tơdroăng kố cho vâ pro rôh tơ’noăng, mơhnhôk veăng tŏng gum dêi mâu khu râ, kơvâ cheăng ƀă kong pơlê, lêi tah mâu tíu kreăng ‘na tơnêi tơníu, mơdêk rĕng tơdroăng ki pro mâu tơdroăng tơkêa bro ki kal a kong pơlê. Tơdroăng pêi thâ kố tơkŭm tung 40 tơdroăng tơkêa ki kal, mơ-eăm séa ngăn, tơbleăng tơdroăng pro tâi tâng mâu tơdroăng tơkêa; pro klêi mâu hồ sơ chêl thiê̆n mâu tơnêi tơníu ki ai tŭm tơdroăng ki châ chêl; châ sap ing 90 – 95% ƀăng tơnêi ki xo tiô pơkâ rêm tơdroăng tơkêa; ‘no liăn 100% chêl thiê̆n, tŏng gum, vêh pro pơlê hiăng xing xoăng ƀă tŏng gum klêi mâu tơdroăng ki pơsăm tối, pơsăm tơkêng, pâ thế ối tung hnoăng pơkuâ.

Tơdroăng pêi thâ kố châ tơbleăng pêi tung 45 hâi ƀă 3 hneăng, mê cho: séa ngăn, lêi tah mâu tíu ki tro kreăng; tơkŭm riân ngăn, kĭ pơkâ tơdroăng tơkêa, ‘no mơhá liăn chêl thiê̆n ƀă pơcháu tơnêi; pêi klêi mâu tơdroăng pơkâ pêi ki u ối, pơkâ tơleăng tơdroăng ki tá hâi pêi pro klêi, mơgêi, mơnhên tối klêi kơ’nâi pêi pro.