Veăng leh ai Đăi tươ̆ng Phan Văn Giang, Ngế cheăng tung Khu xiâm kal kí, Phŏ ngế pro xiâm hnê ngăn Chin phuh, Ngế xiâm pơkuâ ngăn lêng. Luâ 80 hơnăm mơjiâng ƀă xông tơbrê, Hngêi trung hnê cheăng lêng hiăng chiâng hngêi trung hnê mâu kăn ƀô̆ pơkuâ, tăng ‘nâi plĕng mâu tơdroăng kal vâ tối ăm râ kơpêng ƀă tăng ‘nâi plĕng khoa hok ‘na cheăng lêng ki má môi dêi Mâu lêng kuăn pơlê Việt Nam, hnê ăm chât rơpâu ngế kăn ƀô̆ Việt Nam, Lếo ƀă Kul.

Tơbleăng a rôh leh, Đăi tươ̆ng Phan Văn Giang khĕn kơdeăn hnoăng pêi pro dêi Hngêi trung, hlối pơkâ thế pối pơ’lêh nếo tung tơdroăng hnê mơngế vâ rế rơkê, mơdêk tăng ‘nâi plĕng khoa hok, pơ’lêh kơxô̆, cheăng tung măng, xúa tuăn ngôa rơkê kuăn mơngế pro, mơjiâng khu thái cô ki rơkê khât, mơ-eăm troh hơnăm 2030 ah kô chiâng Hngêi trung rơkê plĕng, tiô túa nếo.