Xông tơpui a rôh leh, pôa Lê Minh Hưng, Ngế pro xiâm hnê ngăn Chin phuh mơnhên Đảng, Chin phuh đi đo ngăn tơdroăng ti tăng rôu, chiâ xo kơ-êng kiâ mô đô̆i ƀă mơnhên inâi kơxêng kiâ mô đô̆i cho hnoăng cheăng kal kí ki kal, cho tuăn ihiâm mơno lĕm ‘’Khoh châ niên tiah hâi kố kơnôm ai hnoăng mâu jâ pôa nah”, “Pâ mơnê hnoăng” ƀă tơdroăng ki pơkâ ing plâi nuih ƀă mâu ngế khên tơnôu hiăng hlâ lôi.

Ing tơdroăng nôkố, lăm pôu ngăn ƀă pêi pro troăng ti tăng, chiâ rôu kơxêng kiâ mô đô̆i a kơdrum reăng Lê Thị Riêng, Ngế pro xiâm hnê ngăn tơnêi têa pơkâ thế pơlê kong kân Hồ Chí Minh rơtế Khu xiâm pơkuâ mô đô̆i, Khu xiâm pơkuâ Kuân khu 7 thâ tơkŭm tâi tâng, mơnhên, kheăn kơdeăn krá tơniăn, khoa hok, mâu tơdroăng hô sơ, ‘noăng chư chêh ki tơdjâk troh mâu rôh plâ ƀâ, mâu tơdroăng tơplâ kân tung kong pơlê, ki rơhêng vâ tối tung mâu hơnăm 1968, 1972.

Tơdrêng amê, thăm mơnhên ‘noăng chư chêh, ti tăng thâu xo rơkong tơpui dêi mơngế ki châ hlo rôh mê nah ƀă xúa kŏng ngê̆ rơxông nếo vâ mơdêk tơdroăng mơnhên tơdroăng.