Kố cho tơdroăng ki kal châ môi tuăn a Hneăng hôp khu kăn rôh má I dêi Hô̆i. Tung pơla hơnăm hdrối, mâu râ Hô̆i lo tŏng veăng dêi péa to kong pơlê Dak Lak ƀă Phú Yên hdrối vâ ‘mot tơkŭm hiăng tơbleăng hên tơdroăng cheăng tŏng gum kế tơmeăm ƀă tâi tâng kơnâ lối 403 rơtal liăn, gum lối 1,3 rơtuh ngế; hên tơdroăng tŏng gum môi tiah Têt Hơ-ui, Khế tŏng gum tơmeăm, pleăng mơheăm, hbrâ ví ƀă kong mê khía mơhot pơrá tơkâ luâ pơkâ.

Hnê mơhno a rôh hôp, pôa Nguyễn Thiên Văn, Phŏ kăn hnê ngăn Vi ƀan kong pơlê Dak Lak pơkâ thế Khu lo tŏng veăng kong pơlê pơtối pơhlêh nếo túa pêi cheăng tiô troăng ki ai pơxúa, rơkê, mơdêk rơdêi pơhlêh xúa kong ngê̆, mơdêk tơƀrê tung pơkuâ ngăn liăn ngân ƀă mơdêk hnoăng cheăng ki xiâm tung tơdroăng cheăng tŏng gum tơmeăm.