A rôh pêi cheăng, teăng mâ mâu tíu pêi cheăng hiăng mơ’no mâu troăng hơlâ môi tiah mơdêk rơdêi tơrŭm cheăng pơla mâu kơvâ cheăng la tá hâi nhên mơngế, tá hâi nhên tơdroăng cheăng, tá hâi nhên hnoăng cheăng, thăm mơnhông ứng dụng kong ngê̆ thong tin, liên thong tíu chêh ‘măn ‘noăng chư chêh ki ai tơdjâk troh hnoăng cheăng hbrâ ví ƀă kong mê khía mơhot têa kân lân lu, tơkŭm pêi pro tro hnoăng cheăng hnê tối, tơbleăng sap ing hdrối, sap ing hngế.

Mơgêi rôh pêi cheăng, pôa Hồ Quốc Dũng, Phŏ Ngế pro xiâm hnê ngăn tơnêi têa tối nhên: tiô tối tơbleăng hơnăm kố, kong prâi tôu mơdrăng. Tơdroăng ki kong tôu ôh tá xê to tơdjâk troh kế tơmeăm, châ chăn dêi kuăn pơlê mê ối pro ton tơrŏng tơdroăng ki mơnhông. Phŏ Ngế pro xiâm hnê ngăn tơnêi têa pơkâ thế mâu khu xiâm kơvâ cheăng athế mdơêk ivá tối tơbleăng, hbrâ ví teăm teăm tơdrêng, pêi klêi ivá hbrâ rơnáu kế tơmeăm, séa ngăn kơvâ cheăng.

Hdrối vâ mot tung rôh kong mê khía mơhot, mơjiâng mâu khu lăm ngăn nhên rêm túa pơkâ, rak vế tơniăn ki rơkê plĕng dêi mâu túa pơkâ hbrâ ví ƀă hbrâ rơnáu, kơjo má môi cho rak vế châ chăn ƀă kế tơmeăm dêi kuăn pơlê.