Teăng mâ Khu râ kăn pơkuâ hnê ngăn Đảng ƀă Tơnêi têa, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn Tơnêi têa hiăng tơkŭm po kân krip diâp pri ki kơnía ăm khu gâk kring kuăn pơlê vâ mơnhên mâu tơdroăng ki pleăng hnoăng cheăng ki má môi tung tơdroăng gâk kring Tơnêi têa.

Xông tơpui hnê mơhno a rôh lêh, ngế ki ối a ko Đảng ƀă Tơnêi têa tối rơdêi, tung pơla tơdroăng nếo, khu gâk kring kuăn pơlê thế pơtối pơhlêh nếo tuăn ihiâm tơmiât, mơdêk ivá tơbleăng tối hdrối troăng pêi cheăng ton xŏn, hbrâ mơdât mâu tơdroăng tăng pêi pro ‘mêi ‘nhê tơnêi têa dêi mâu ngế ki hêng hôu tơnêi. Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ tơkŭm mơjiâng khu cheăng krúa lĕm, krá tơniăn rơdêi, chính quy, ƀeăn ƀĕng rơkê, tiô rơxông nếo, tơxâng cho hlá tât krá tơniăn gâk kring Đảng, Tơnêi têa ƀă tơdroăng rêh ối tơniăn dêi kuăn pơlê.