Vâ chê 30 tham luâ̆n a hôp tơpui tơno hiăng tơkŭm mơnhên ki pơxúa pơkâ troăng pêi djâ kong pơlê chiâng tơtêk nếo, tơdjêp Tây Nguyên, Kơpong tơbăng peăng tơdế Tơnêi têa ƀă Kul klêi kơ’nâi po rơdâ tíu mơnhông mơdêk kơnôm tơmot tơnêi tơníu. Xông tơpui a hôp tơpui tơno, pôa Lương Nguyễn Minh Triết, Kăn pơkuâ hnê ngăn Đảng ủi Dak Lak tối rơdêi, kong pơlê kô pơtối tơmâng ƀă pơhlêh mâu rơxông mâu ngế ki rơkê inhên, kơ koan chiu pôu râng hnoăng inhên.

Pơkâ ki xiâm cho mơjiâng khu râ kăn pơkuâ mơjiâng, pêi cheăng, xo kuăn pơlê ƀă khu tê mơdró pro tíu xiâm, ngăn tơdroăng mơnhông dêi khu tê mơdró ƀă ki hôm dêi tíu mơ’no liăn cheăng pro loăng rêk ki châ tơƀrê pơkuâ kong pơlê. Kong pơlê kô hnê mơhno tơkŭm po mâu rôh pêi cheăng ƀă mâu kơ koan tíu cheăng inhên, tơdroăng ki nhên tâ klêi hôp tơpui tơno kố vâ pêi pro mâu troăng tơmiât.