Rơkâu mâu Kăn teăng mâ hnoăng cheăng nếo, pôa Tô Lâm mơnhên Việt Nam đi đo nhuô̆m tơrŭm cheăng nhŏng o, tơrŭm ƀă mâu kong têa, pói vâ rơtế mơdêk tơrŭm cheăng pơla péa pâ rế hía rế mơnhông mơdêk păng ‘nâng, châ tơƀrê tung mâu kơvâ cheăng. Tung mâu rôh trâm mâ, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ thế mâu Kăn teăng mâ pro kông tơdjêp mơdêk tơpui tơno khu râ kăn, po rơdâ tơrŭm ‘na cheăng kâ, tê mơdró, mơ’no liăn cheăng, hnê hriâm, khôi túa lĕm tro ƀă trâm mâ tơno pơla kuăn pơlê; tơdrêng amê thăm tơrŭm a mâu hôp tơno kơpong ƀă lâp plâi tơnêi.

Mâu kăn teăng mâ tối hâk tơngăm tơdah hnoăng cheăng a Việt Nam, mơnhên kô mơ-eăm tơbêng tơrŭm cheăng nhŏng o, tơrŭm pơla mâu kong têa tơná ƀă Việt Nam, gum djâ tơrŭm pơla péa pâ mơnhông trâu hơngế tung la ngiâ.