VOV.Xơ Đăng – Kong pơlê Lâm Đồng dế pêi pro tơdroăng séa ngăn vâ pơhlêh troăng pơkâ pêi mơnhông kơmăi kơmok hneăng hơnăm 2026 – 2030 ƀă mơnhên troăng prôk klêi hơnăm 2030 ƀă troăng tơkŭm a peăng têa kơxĭ.

VOV.Xơ Đăng – Mâu tơdroăng nếo ai tung tơnêi têa pin ƀă kong têa ê ai mâu tơdroăng kal xiâm kơ’nâi kố: -Pôa Phạm Minh Chính, Ngế pro xiâm hnê ngăn Chin phuh tơdah Kăn xiâm hnê ngăn Vi ƀan Mơnhên tơdroăng pro xôi tiô pơkâ luât dêi kong têa Belarus. -Mơgêi roh hôp má 56 dêi Vi ƀan pơkuâ Kuô̆k hô̆i hneăng má 16. -Dak Lak pâ thế Tơnêi têa rĕng xing xoăng kơxô̆ liăn mơ’no liăn cheăng tơnêi têa. -Pôa Vladimir Putin, Kăn xiâm pơkuâ kong têa Rusi tơpui phôn ƀă Kuăn pơtáu kong têa Saudi Arabia, tơpui tơno ‘na tơdroăng tơplâ Trung Đông. -40 kong têa tơpui tơno vâ mơjiâng môi khu tơrŭm lâp plâi tơnêi vâ tơniăn gâk kring ƀă pro tơniăn tơdroăng prôk lăm hluâ kung king têa kơxĭ Hormuz.

VOV.Xơ Đăng - Kơxê hâi lơ 2/4, a tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa hiăng tơdah pôa Volkov Alexei Aleksandrovich, Kăn hnê ngăn Vi ƀan Mơnhên ‘na luât dêi  Belarus dế pôu, pêi cheăng a Việt Nam.

VOV.Xơ Đăng - Hâi lơ 2/4, Khu kăn Kuô̆k hô̆i kong pơlê Dak Lak tơkŭm po Hôp tơpui tơdroăng hdrối Rôh hôp má Môi, Kuô̆k hô̆i hneăng 16, vâ tơkŭm mâu tơdroăng pâ thế pêi pro a kong pơlê, veăng pê klêi luât pơkâ tŏng gum, ‘na luât ƀă mơnhông cheăng kâ - pơlê pơla.

VOV.Xơ Đăng - Kơxo lơ 2/4, a kơpong Tíu chôu ‘măn tơmeăm khoăng roh ton nah ki má môi Pơlê kong kơdrâm ton nah Quảng Trị, Khu hnê mơhno tơnêi têa ‘na ti tăng, tơkŭm môi tíu ƀă mơnhên inâi kơxêng kiâ mô đô̆i kân krip po Leh mơhnhôk “Tơdroăng pêi cheăng 500 hâi măng mơdêk pêi pro tơdroăng ti tăng, tơkŭm ƀă mơnhên inâi kơxêng kiâ mô đô̆i ki hlâ tung tơplâ’’.

VOV .Xơ Đăng - A tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa hiăng tơdah pôa Choi Young Sam, Kăn teăng mâ Hàn Quốc a Việt Nam vâ tơpui tơno ‘na mâu troăng hơlâ mơdêk tơrŭm péa pâ ƀă tŭm tơdroăng xuân môi tiah tơrŭm cheăng kring tơniăn têa châu on tơhrik pơla péa tơnêi têa.

VOV.Xơ Đăng - A kong pơlê Dak Lak, cheăng Đoân dế pêi pro rơdêi sap ing tơ’noăng chiâng pêi pro nhên, tro ƀă tơdroăng púi rơhêng vâ ‘na tung tơdroăng ki ai khât dêi kong pơlê. Ing tŏng gum kuăn pơlê xúa dịch vụ cổng trực tuyến, mơdêk rơdêi pơhlêh nếo, tơmiât pêi rơkê, pơhlêh kơxô̆, troh djâ troăng ahdrối tung tŏng gum ‘na rôh kong mê khía mơhot têa lân lu, hên túa pêi nếo hiăng mơnhông, thăm mơdêk hiâm mơno pôu râng, tơmiât pêi rơkê dêi đoân viên droh rơtăm, ing mê tối nhên hnoăng dêi mâu ngế hơnăm ối nếo tung hneăng mơnhông nếo.

VOV.Xơ Đăng - Hâi lơ 1/4, Tỉnh ủi Dak Lak tơkŭm po roh hôp má môi Khu hnê mơhno pêi pro pơkâ tơtêk péa kơxô̆ hneăng hơnăm 2026 – 2030, tơpui tơno troăng tah lôi mâu tíu ki kreăng sap ing pái khế apoăng hơnăm drêng hên pơkâ tá hâi châ tiô pơkâ mơ’no.

VOV.Xơ Đăng - Xông tơpui a roh hôp, Kăn xiâm hnê ngăn Kuô̆k hô̆i tối rơdêi, môi tơdroăng xiâm ki kal cho tơpui hbrâ tơdroăng rah xo mơngế pêi cheăng tơbleăng Kuô̆k hô̆i a Hneăng hôp má môi, Kuô̆k hô̆i hneăng má XVI.

VOV.Xơ Đăng - Hâi lơ 1/4, a Hà Nội, pôa Lương Cường, Kăn xiâm hnê ngăn tơnêi têa pơkuâ roh hôp ‘na tơdroăng pêi cheăng tiah hmâ ƀă Ƀơrô Kăn xiâm hnê ngăn tơnêi têa vâ mơnhên tơdroăng pêi pro hnoăng cheăng tung pơla kố nah, pêi pro troăng prôk la ngiâ tơdroăng cheăng tung la ngiâ.