Pôa tối nhên kô ôh ti xê to luât pơkâ ‘na pêi cheăng mê ối cho luât pơkâ ‘na tŏng gum hdroâng mơngế, luât pơkâ kơdroh kơklêa xăm kơtiê, luât pơkâ mơnhông   kuăn mơngế ƀă ‘mâi mơnhông tuăn loi dêi kuăn pơlê.  Kăn xiâm pơkuâ hnê ngăn Đảng Kăn xiâm hnê ngăn tơnêi têa pơkâ thế: Hnê cheăng pêi ƀă hnê túa pêi cheăng vâ trơkê tăng cheăng kâ ki khât dêi tơ rêm kơ pong, tơrêm hdroâng  mơngế, tơ rêm tung hdroâng kuăn ngo, ôh tá pơkât túa pêi cheăng tơdjuôm, ôh tá hnê tiô tơdroăng mơhnhôk.

Kal thế tơkŭm a pêi chiâk pê lo tơmeăm krê xêh, cheăng kâ pêt kong rak ngăn kong, pêt nhâ loăng pơkeăng, păn mơnăn mơnôa, pêi cheăng ƀă kŏng tiô hmâ pêi ing nah, ôm hyô tung kuăn pơlê, kring vế  ƀă mơnhông pêt kong; po rơdâ tơdjêp ƀă kơchô mơdró tăng cheăng pêi ăm mơngế pêi cheăng a kơpong kuăn ngo.

Tơnêi têa kơ jo kum pro tơmeăm khoăng ăm mung liăn, tối ăm ‘nâi mâu tơdroăng nếo ai, hnê ‘na luât; khu mơdró, khu pêi cheăng tơrŭm, tíu pêi cheăng, tơrŭm  pêi cheăng hlối rôe tơmeăm ki pê lo hnê kih thuât, mơjiâng inâi, ki  pêi lĕm; kong pơlê tơkŭm tơdjêp pêi cheăng tơniăn, kơdroh lăm ukố umê, ví tơdroăng mâu ki ‘mêi tăng xúa djâ pro tơdroăng ôh tá tro, tro pơloi luâ lêa.